Ipisu 2:3 - Hanunuu

³ Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Ipisu 2:3 Iomraidhean Croise

Gimpuunan 5:3

Pagka 130 ka timpu yi si Adam, ainanak kay anak ga kay histuda. Pinaingarnan niya inda Sit.

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

Hub 14:4

May tawu aw lugud sa kanmu hurusayan magkabuhi matadlung gid? Unman! Dahil ti tanan iinanak makasalanan.

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Kanta 51:5

Daut aku ag nagsalan ginan waya sa kang pagkalusad.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Markus 4:19

Dapat pagka dugay naabala sida sa manga bagay sa babaw daga. Mairibgun yi sida sa kayamanan, maghingbut waya sa iba manga bagay. Nakan ti Bagaw Diyus udyi may rugar sa kanda tagipusuun, udyi binmurak.

Huwan 1:13

Sida manga anak yi Diyus dapat balaw parihu sa tawu pag kapanganakan may ama may ina, nu unman dahil sa kagustuhan Diyus.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Binwat 14:16

Kaybi waya ginan pinasibut-an Diyus ti tanan nasyun tawu sa kanda lang sadili kagustuhan.

Ruma 1:24

Nakan ngani pinasibut-an waydi sida Diyus sa kanda mayagting pag kagustuhan naisipan, bag-u nagumun yi sida sa magbuwat mahalay sa usa kag sa usa.

Ruma 11:30

Kaybi kamu pag manga balaw Hudiyu daan di manga malaban sa Diyus, dapat taynguna pagkaawaan ngap kamu niya sa katpung kaudasan manga malaban ti manga Hudiyu.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 2:14

Ti manga balaw Hudiyu balaw nasakup sa Kasuguan. Nu bumuwat sida angay sa pagsabihun Kasuguan dahil lang sa kanda sadili buut naisipan, tunda ga Kasuguan yi ngap sa kanda.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 5:9

Taynguna kita kinilala Diyus kuntay manga matadlung ginan sa kan Kiristu dugu. Lalu waya pihu kita miribri ginan sa kay pangagalit Diyus sa panab-anan buhi ni Kiristu.

Ruma 6:12

Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 7:18

Alam diman niku unman may mayad nangulian sa kangku, kang ibug sabihun sa kang makasadili pag naisipan. Kaya niku mataw-an maggayak mayad, dayu lang mabwat niku kang gayak mayad.

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Galasya 3:22

Dapat magkun ti Kasuratan, “Ti usa ka kalibutan nasakup kapangyarihan kasalanan.” Nakan ipakaun Diyus sa manga magsarig sa kan Hisu-Kiristu kay itinaratu. Matanggap lang manga tawu kay itinaratu Diyus nu sida magsarig sa kan Hisu-Kiristu.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Kulusas 1:21

Kumun diman kamu, kaybi kamu arayu sa Diyus, kanyu naisipan lunsay yi lang gid laban sa Diyus. Kanyu buwat pudu kadautan.

1 Tisalunika 4:13

Manga patar-ari, gustu nimi pagmaalaman niyu kay tutuu tungkul sa manga namatay yi, hampay kamu dayu maaburidu parihu sa tawu unman may pag-asa.

1 Tisalunika 5:6

Nakan ngani kailangan pirmi kita maimatahan, pirmi alistu, pagmapininsarun kanta pag-iisip. Balaw parihu sa iba.

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

1 Huwan 2:16

Dahil ti tanan bagay sa kalibutan, ti manga daut pag kagustuhan naisipan, ti manga daut pag kagustuhan mata ag ti magpadayaw-dayaw sa kay kahamtangan, balaw ginan sa Ama nu unman ginan ngap sa kalibutan.

1 Huwan 2:8

Dapat ay bag-u diman waydi pag sugu kang pag-isurat sa kanyu. Kay katutuuhanan mag-akitan sa kan Kiristu hanggan sa kanyu diman. Dahil ti dulum maglawuy yi ag ti tutuu pag karayawan magrayaw yi.