Ipisu 2:2 - Hanunuu

² Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 2:2 Iomraidhean Croise

Hub 1:16

Sigi waya ti bagaw tawu, rinmas-ug waydi ti usa waya ka tawu ag nagbarita magkun, “Nasakpan duy kilat kanmu manga karanidu hanggan kay manga manug-alaga nasunug sida tanan. Aku wadi ti nakapalagiw hampay mamarita sa kanmu!”

Hub 1:19

kadaka lang rinmas-ug ti mabisug gid pag bagyu ginan sa pangawakawaan ag rargu narangga ti balay. Nagkaradugsakan kanmu manga anak rargu namatay. Aku wadi ti nakapalagiw hampay mamarita sa kanmu!”

Hub 1:7

Magkun ti Panginuun sa kan Satanas, “Naan ginan kawu?” Sinmagut si Satanas, “Mapalibutan sa buu kalibutan.”

Hub 31:7

Nu unman aku magsunud sa hustu pag dalan ag pagsundun niku ti alangan isip mag-akitan niku manga mata, ag inuringan niku kang sadili,

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Isayas 30:1

Magkun ti Panginuun, “Kaawaawa kang manga anak supakil. Magbuwat sida manga gayak balaw angay sa kang nalub-anan. Magtaratu sida balaw niku pagpasnuan. Nakan lalu di magkadugangan kanda kasalanan.

Isayas 57:4

Si unu kanyu pagpuyaan? Si unu kanyu pagtamirian ag pagdilaan? Ti Panginuun ngap! Manga linahi kamu manga malaban hanggan manga pudilun.

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Husyas 10:9

Magkun ti Panginuun, “Kamu pag nasakupan Israil parargu magbuwat kasalanan ginan di waya sa nagbuwat kasalanan kanyu manga ginurang sa Gibiya. Unman gid kamu magbag-u. Nakan kamu manga linahi daut girahun sa Gibiya.

Matiyu 11:19

Pagka nagsitay aku, ti Anak Tawu, magkaun mag-inum diman bag-u pagkumnun nida, ‘Malu tunda pag tawu daluk-daluk maglangu, mag-ampud siya sa manga manunukut buhis, hanggan sa iba waya ka manga makasalanan.’ Ti pagbuwatun kadunungan Diyus imaw ti puruyba sa katutuuhanan.”

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Matiyu 13:38

Ti tanman imaw yi ti kalibutan. Ti mayad pag binhi imaw yi ti manga tawu pagharian Diyus. Ti manga ilamnun imaw waydi ti manga tawu pagharian diyablu.

Markus 4:19

Dapat pagka dugay naabala sida sa manga bagay sa babaw daga. Mairibgun yi sida sa kayamanan, maghingbut waya sa iba manga bagay. Nakan ti Bagaw Diyus udyi may rugar sa kanda tagipusuun, udyi binmurak.

Lukas 16:8

“Nagdayaw kay amu sa tunda pag katiwala maradaya, dahil madunung siya magparaan. Dahil ti manga tawu taga kalibutan masyadu gid madunung magparaan sa kanda magpasundu sa kanda manga kaparihu, subra man sida madunung sa manga tawu nakaintindi tungkul sa Diyus.”

Lukas 22:31

Sinabi ni Hisus, “Malu duy Simun, hinagad kamu ni Satanas sa Diyus hampay subukan niya kamu taphun ga paray ipayag kay upa.

Huwan 12:31

Taynguna yi ti kaudasan hampay pihuun Diyus ti manga tawu sa babaw daga nu daut nu mayad. Taynguna tulakun yi tag sa luwas ti pangulu inda pag kalibutan.

Huwan 13:2

Ati katpung si Hisus hanggan kay manga tuludluan magyapun. Daan inudyukan diyablu si Hudas, kan Simun Iskariyuti anak, hampay pumakampi siya sa kay kalaban ni Hisus agud siya kay itudlu sa kanda.

Huwan 13:27

Pagka nagamit ni Hudas ti tinapay, susun inapuan siya ni Satanas. Bag-u kan Hisus sinabi sa kan Hudas magkun, “Ti kanmu buwatun, buwata yi nimu kadali.”

Huwan 14:30

Udyi aku may rugar hampay maghampang waya sa kanyu dugay, dahil sab arani yi ti pangulu kalibutan. Unman may mabuwat siya sa kangku nu unman pahintulutan Ama.

Huwan 15:19

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.

Huwan 16:11

Ipakakit diman niya sa kanda ti Diyus sumintinsiya sa kanda, dahil nasintinsiyahan yi si Satanas imaw ti maghari sa kalibutan.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Huwan 8:23

Sinmagut si Hisus magkun, “Kamu taga sitay sa babaw daga, aku bay taga langit. Kamu manga taga kalibutan, dapat aku balaw taga sitay sa kalibutan.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Binwat 19:35

Pagka dugay ipinap-ut miyur banwa ti ingay kayamuan bag-u sinabi niya magkun, “Kamu duy pag manga taga Ipisu, pagpatingi sa kangku. Magkaalaman gid tanan-tanan tawu ti banwa Ipisu ti namahala sa balay simbahan ni Artimis pag makamaskihan pag diyus-diyusan hanggan sa kanda pagsambahun pag batu nalagpak ginan sa langit.

Binwat 5:3

Pagka ati si Ananiyas, sinabi ni Pidru sa kanya magkun, “Ananiyas, hayga duy sinakup ni Satanas kanmu tagipusuun hampay kawu mandaya yi sa Ispiritu Banal sa kanmu nagtawid kay iba kabilyanan niyu daga?

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

1 Kurintu 5:10

Balaw kang ibug sabihun danga magpausa sa manga unman napasakup sa Panginuun langmadi sida mag-uragin, manga maramuun, manga mananakaw, manga magsamba sa diyus-diyusan. Dahil nu abi kamu unman makapausa sa kanda nu katunda kailangan pag-ighit yi lang kamu sa kalibutan.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Ipisu 1:21

Nakan ngani ti tanan manga naminunu, manga may kangaranan, manga kamaskihan hanggan manga magpamahala, una sa babaw daga una sa langit, sa sirung di kamaskihan ni Kiristu. Subra kay ngaran ni Kiristu balaw lang ga iba ngaran, balaw lang sa taynguna hanggan sa paratabgan.

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Ipisu 2:13

Madi kamu kaybi arayu sa Diyus, dapat taynguna ipinakarani yi kamu sa panab-anan dugu ni Kiristu dahil sa kanyu magpakiusa sa kan Kiristu Hisus.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Kulusas 1:21

Kumun diman kamu, kaybi kamu arayu sa Diyus, kanyu naisipan lunsay yi lang gid laban sa Diyus. Kanyu buwat pudu kadautan.

2 Timutiyu 4:10

Dahil tinayakan yi aku ni Dimas. Ipinalabi di niya ti bagay sa kalibutan. Ati yi siya sa Tisalunika. Si Kirisinti nag-ati sa Galasya. Si Titu waydi ati sa Dalmasya.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

Santiyagu 1:7

Dagsarig kuntay may matanggap ti tawu una hintay ginan sa Panginuun,

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 4:3

Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

1 Huwan 5:4

Dahil una hintay pag tawu nu nianak yi Diyus, magpanalu siya sa ugali kalibutan. Kanta pagsarig imaw yi ngani kanta panalu sa ugali kalibutan.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.

Ipinakakit 16:17

Bag-u ibinuhus maan ikapitu pag anghil kay sukad ginan sa kay pinggan malukung tag sa panungaan langit daga. May nagbagaw daka ginan sa tukawan hari ati sa Balay Diyus magkun, “Tinupad yi.”

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.