Ipisu 2:11 - Hanunuu

¹¹ Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Ipisu 2:11 Iomraidhean Croise

Isikil 20:43

Ag ati maalala niyu kanyu manga binwat nakapa-uring sa kanyu, ag kadat-an niyu kanyu sadili dahil sa tanan niyu daut pag manga binwat.

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Matiyu 20:7

Sinabi nida sa kanya magkun, ‘Dahil unman may pinmatarabahu sa kanmi.’ Sinabi niya sa kanda magkun, ‘Pag-atag kamu sa ubasan.’

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 2:26

Ti tawu unman tinuri nu magbuwat angay sa pagsabihun sa Kasuguan, unman aw siya parihu diman ga tinuri?

Ruma 2:27

Nakan ngani kamu ti manga tinuri sintinsiyahan aban manga balaw tinuri. Dahil sida magtupad sa Kasuguan, dapat kamu madi may isinurat Kasuguan ag manga tinuri kamu, maglabag diman ngap kamu sa tunda pag Kasuguan.

1 Kurintu 12:2

Alam niyu, kanyu udwaya nakatanggap sa kan Hisus, sinarigan niyu ti manga buyun pag diyus-diyusan, imaw ngap ti nagpatalang pirmi sa kanyu.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

Galasya 2:15

Madi kami linahi Hudiyu ag balaw kunu makasalanan parihu sa manga balaw Hudiyu,

Galasya 6:12

Tunda pag manga tawu ti magpilit sa kanyu hampay magpaturi, magkaibug lang sida magpakakit-kakit sa manga iba. Pagbuwatun nida tunda, hampay sida balaw pag-unuunuhun ga mangyari nu abi pag-itudlu nida ti kahulugan kamatayan ni Kiristu sa kurus.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

Diyuturunumiyu 16:12

Isipun niyu kamu manga suruguun diman kaybi sa Ihiptu, nakan sunda niyu kaayad inda pag manga surundanun.

Diyuturunumiyu 5:15

Isipa niyu manga panawuhun diman kamu kaybi sa Ihiptu, ag aku, ti Panginuun niyu Diyus, ti nagpalwas sa kanyu ati ginan sa panab-anan niku kamaskihan. Nakan aku, ti Panginuun niyu Diyus, magsugu sa kanyu kuntay tupada niyu ti Sirang Pamahari.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

Diyuturunumiyu 9:7

“Isipa niyu nu kabitay niyu ginalit ti Panginuun niyu Diyus sa pangawakawaan. Ginan sa sirang nagluwas kamu sa Ihiptu tugka kainda, pirmi yi lang kamu maglaban sa Panginuun.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Kulusas 1:21

Kumun diman kamu, kaybi kamu arayu sa Diyus, kanyu naisipan lunsay yi lang gid laban sa Diyus. Kanyu buwat pudu kadautan.

Kulusas 2:11

Dahil sa kanyu pakiusa sa kan Kiristu, ga tinuri yi kamu, balaw sa kanyu bilug pag tinuri nu unman dahil kamu irinibri sa daut kagustuhan niyu sadili pagkatawu. Inda ti ga tinuri ginan sa kan Kiristu.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

Kulusas 3:11

Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

1 Samwil 17:26

Namaingana si Dabid sa manga tawu matindugan sa kay arani, “Si unu pag Pilistiyu tida, unman magsarig sa Diyus, mag-akat sa manga sundalu buhi pag Diyus? Unu ti matanggap tawu makamatay sa kanya para mapigil kay magpakay-a niya sa Israil?”

1 Samwil 17:36

Imaw tunda kang pagbuwatun sa liyun ag usu, katunda diman kang buwatun sa tunda pag Pilistiyu unman magsarig sa Diyus, dahil kay pag akatun ti manga sundalu buhi pag Diyus.