Ipisu 2:10 - Hanunuu

¹⁰ Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 2:10 Iomraidhean Croise

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 119:3

Unman sida magbuwat daut nu unman magsunud sida sa manga kagustuhan Diyus.

Kanta 138:8

Panginuun, pagtupadun nimu kanmu manga turunu sa buhi niku. Kanmu pagmahal unman may katapusan. Tupada kanmu inumpisahan binwat.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Kanta 81:13

Nu magpatingi lang mana kamu ag magsunud sa kang manga kagustuhan,

Isayas 19:25

Papaladan sida Panginuun Makamaskihan magkumun, “Pagpapaladan niku ti manga taga Ihiptu kang manga nasakupan, ti manga taga Asirya kang linalang, hanggan ti manga taga Israil kang magkaapu.”

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:21

Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Huwan 3:21

Dapat ti tawu nu nag-ugali siya sa katutuuhanan, pumakarani ngap sa karayawan hampay makilala kay manga buruwatun angay sa kay pakiusa sa Diyus.”

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Binwat 9:36

Sa Hupi may usa ka babayi sakup diman sa kan Hisus. Kay ngaran si Tabita. (Sa Giriyigu kay ngaran si Durkas, kay ibug sabihun, Karasyaw.) Masipag gid ungud siya sa magbuwat mayad, pirmi diman siya mag-awat sa manga makuri.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 5:5

Diyus diman ti naghanda sa kanta hampay kay bag-uhun ngani. Ipinakaun niya sa kanta ti Ispiritu bilang pinagkatanda imaw yi kay puruyba pihu tupadun niya kay manga taratu.

2 Kurintu 9:8

Mabuwat Diyus paabundahun kamu sa tanan pag bagay subra waya sa kanyu kailangan hampay may magamit kamu sa kanyu buruwatun kaayadan.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Ipisu 2:13

Madi kamu kaybi arayu sa Diyus, dapat taynguna ipinakarani yi kamu sa panab-anan dugu ni Kiristu dahil sa kanyu magpakiusa sa kan Kiristu Hisus.

Ipisu 2:15

Ti dinaut niya pag alad batu imaw ti Kasuguan, kaibahan ti manga sugu hanggan manga surundanun. Binwat niya inda hampay pag-usahun ti manga Hudiyu ag balaw Hudiyu, hampay magkarasundu yi ti duwa.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 2:6

Dahil sa kanta pakiusa sa kan Kiristu Hisus binuhi uman kita Diyus kaibahan ni Kiristu, pinatukaw kita kaibahan niya sa langit.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 4:24

Kailangan gamitun niyu kanyu bag-u pagkatawu ti linalang ga kay histuda Diyus, bag-u mag-akitan sa kanyu ti tutuu gid pag katadlungan sa kanyu lubus magpasakup sa Diyus.

Diyuturunumiyu 32:6

Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 3:10

Isinlung yi niyu ti bag-u pagkatawu, kay linalang Diyus ag kay diman pagbag-uhun Diyus hampay amat-amat kamu lalu ga kay histuda niya ag hampay kang-ud udyi may kurang kanyu pagkilala sa kanya.

2 Tisalunika 2:17

Kanmi pag-idarangin kamu hampay pakan-an kamu marig-un pag naisipan agud kanyu pagbuwatun hanggan pagbagawun lunsay kaayadan.

1 Timutiyu 2:10

Kailangan kanda ngap pinagkabisti kay mayad buwat imaw ti dapat sa manga babayi manga magpasakup sa Diyus.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

1 Timutiyu 5:25

Katunda diman waydi may marinu pag manga buwat madali mag-akitan sa tawu. Una unman mag-akitan madali, balaw diman waydi mitagu tunda hanggan aban.

1 Timutiyu 6:18

Sabihi nimu sida pagbuwat mayad, pagpakayaman sida sa mayad pag buwat. Pagmarapakaun, pagmaraawat sida sa kaparihu tawu.

2 Timutiyu 2:21

Una si unu ti magpakarayu sa magbuwat kadautan pag-ipaparihu sa manga garamitun pagpahalagaan niya apu, manga sakup sa Diyus, ihinanda para gamitun niya Panginuun, pirmi alistu sa una hintay pag buruwatun mayad.

2 Timutiyu 3:17

hampay ti tawu magsirbi sa Diyus madunung ag alistu yi sa tanan mayad pag buruwatun.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

Titu 3:1

Paalalahani nimu ti manga patar-ari pagpasakup sida sa manga pangulu hanggan sa manga may kangaranan. Pagpirmi daan alistu kanda naisipan sa magbuwat mayad.

Titu 3:14

Tudlui gid nimu kanta manga kaibahan asan hampay gamitun nida ti kada udas sa tarabahu ikabuhi nida ag hampay makaawat diman sida sa manga may kakurangan.

Titu 3:8

Inda pag manga adal imaw ti katutuuhanan. Nakan ngani kang gustu pagkasipag kawu itudlu nimu inda hampay ti manga magsarig sa Diyus handa kanda naisipan sa pagbuwat mayad. Inda pag manga paanyu imaw ti pinakamayad ag mapakinabangan tanan tawu.

Hibriyu 10:24

Isipun nita nu kabitay pag mipulaw ti maimbung pagmahal sa usa kag sa usa, hanggan ti pagbuwat mayad.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 2:6

Nu magsabi ti tawu magkun, pirmi siya magpakiusa sa Diyus, kailangan pagga kan Hisus diman waydi kay ugali.