Ipisu 1:5 - Hanunuu

⁵ kita kay ihinanda daan hampay kay yi manga anak sa panab-anan ni Hisu-Kiristu. Imaw kay turunu kagustuhan Diyus.

Ipisu 1:5 Iomraidhean Croise

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 3:4

Taynguna pagsabihun niyu sa kangku, ‘Amang niku, kawu duy ti kaibahan niku ginan kaybi sa anak waya aku.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Matiyu 1:25

Unman mag-ululidan sida ni Husi ni Marya hanggan sa udwaya nianak kay anak lalaki. Ag iningarnan ni Husi ti anak kay ngaran si Hisus.

Matiyu 11:26

Hu ngani duy Amang, dahil katunda yi kanmu kagustuhan.”

Lukas 10:21

Ati katpung pinakan-an si Hisus lubus pag kabayaan Ispiritu Banal. Kay sinabi, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, dapat ipinakilala ngapu nimu sa manga tawu ga anak kay tagipusuun. Hu ngani duy Amang, dahil katunda yi kanmu kagustuhan.

Lukas 11:32

Pagka kaudasan sintinsiya aban kumastigus ti manga taga Ninibi laban sa kanyu. Dahil pagka sida nakadnug kan Hunas ibinarita, ti manga taga Ninibi nag-ampu nagpatawad sa kanda manga kasalanan. Dapat balaw di ga kan Hunas ti nagsitay kainda sa kanyu.”

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Huwan 1:12

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

Binwat 13:48

Pagka nadnugan manga balaw Hudiyu kay manga sinabi ni Pablu, nakabaya gid sida nagdayaw gid sida sa kay bagaw Panginuun. Tunda pag manga tawu kay pinili Diyus hampay makatanggap tutuu pag buhi unman may katapusan nagsarig ngani sa kan Hisus.

Ruma 8:23

Ag balaw lang sida. Una hanggan kita. Natanggap nita ti Ispiritu, ipinauna ipinakaun Diyus sa kanta. Ga mag-arunghung sa kanta tagipusuun kita sa pakaalagad sa kaudasan nu kay ipaburayhaw Diyus kanta kahamtangan bilang kay manga anak, kay ibug sabihun nu iribri yi aban kanta buu pagkatawu.

1 Kurintu 1:1

Inda duy aku si Pablu ti may surat hanggan kanta patar-ari si Sustinis. Aku si Pablu napili Diyus hampay apustul ni Hisu-Kiristu angay sa kay kagustuhan Diyus.

1 Kurintu 1:21

Dahil sa kadunungan Diyus, balaw niya ipinahintulut makilala siya tawu sa panab-anan kadunungan kalibutan. Bagkus ngap, pagmayadun niya maribri ti manga sumarig sa kanya sa panab-anan Mayad pag Barita. Inda Mayad pag Barita kanmi pag-itultul, dapat angay sa kadunungan kalibutan inda unman may kabuluhan.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:9

hampay lubus maintindihan nita kay udwaya pinaburayhaw pag gayak niya.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Kulusas 1:19

Kay nagustuhan Diyus nu kabitay siya kay pagka-Diyus pagkatunda diman kay Anak.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

Hibriyu 2:4

Ipinakakit diman waydi Diyus bilang puruyba ti manga makadululaw ag lilingutan pag manga tanda ag ti tuhay-tuhay pag mamaski buwat hanggan ti may manga pakaun Ispiritu Banal kay ihinuray sa iglisya angay sa kay sadili kagustuhan.

1 Huwan 3:1

Pag-isipa niyu nu kabitay kay kadaka ti pagmahal Ama sa kanta. Daka gid kay pagmahal nakan iningarnan kita manga anak Diyus. Tutuu gid ngani kita manga anak Diyus. Nakan pagdayuun kita manga taga kalibutan dahil dinayu waydi nida ti Diyus.

Ipinakakit 21:7

Inda ti matanggap tawu nu manalu. Aku yi ti Diyus niya, siya kang yi waydi gid anak.