Ipisu 1:3 - Hanunuu

³ Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

Ipisu 1:3 Iomraidhean Croise

Gimpuunan 14:20

Dayawun ti Diyus Makamaskihan sa tanan ti nagpakaun panalu sa kanmu laban sa kanmu manga kalaban!” Bag-u ipinakaun ni Abram sa kan Milkisidik ti ikasampulu pag huray sa tanan niya nab-ul pag bagay sa girahan.

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

1 Krunika 29:20

Bag-u magkun si Dabid sa tanan kadamlan, “Dayawa niyu ti Panginuun niyu Diyus.” Nakan dinayaw nida ti Panginuun, ti Diyus nida manga ginurang. Nanluhud sida ag nanyuk-ub sa paggalang sa Panginuun hanggan sa hari.

1 Krunika 4:10

Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

2 Krunika 31:8

Pagka nakitan ni Isikyas ag niya manga may kangaranan ti manga matumpukan pag handug dinayaw nida ti Panginuun ag manga nasakupan niya Israilita.

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Kanta 134:3

Papaladan waya mana kamu Panginuun ti asan sa Siun, imaw ti naglalang sa kalangitan ag sa kalibutan.

Kanta 72:17

Mana balaw malimtan ti ngaran hari tugka aban, habang may init waya. Mana sa panab-anan niya, papaladan ti tanan nasyun, ag ti manga nasyun sumabi sa kanya mapalad.

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Isayas 61:9

Kanda linahi mibantug sa manga nasyun. Ti tanan makakit sa kanda sumabi sida pag manga tawu pinapaladan Panginuun.”

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Lukas 2:28

Bin-ul ni Simyun ti lapsag ginan sa kay ina, sinalapnay niya, bag-u nagdayaw siya sa Diyus magkun,

Huwan 14:20

Sa ati katpung pag sirang aban makilala niyu kuntay aku minsan sa Ama ag kamu minsan sa kangku, aku minsan diman sa kanyu.

Huwan 17:21

Pag-idarangin niku sida hampay mirinsan sida tanan. Amang, pagminsan sida sa kanta parihu sa kanmu minsan sa kangku ag parihu sa kangku minsan sa kanmu. Pagkatunda diman, pagmirinsan sida sa kanta agud maniwala ti manga taga kalibutan kuntay kawu ti nagsugu sa kangku.

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

Ruma 12:5

Katunda diman kita mayamu magkausa diman sa kabuuhan bilug ni Kiristu, ti kada usa may kabahagi tag sa manga iba.

Ruma 15:6

hampay mirinsan kanyu magdayaw sa Diyus sa Ama nita Panginuun Hisu-Kiristu.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 12:12

Kanta bilug usa-usa dapat kay gamit mayamu. Madi mayamu ti gamit bilug, usa-usa lang ti bilug. Katida diman waydi si Kiristu.

2 Kurintu 1:3

Kanta dayawun ti Diyus, ti Ama nita Panginuun Hisu-Kiristu, siya ti maawaun pag Ama, siya pag Diyus tigpakaun tanan maariwaya pag naisipan.

2 Kurintu 11:31

Bukun gid ungud aku magpudil. Tunda ungud alam di Diyus, imaw kay Ama Panginuun Hisus, dayawun kay ngaran hanggan aban.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 3:9

Nagsarig sa Diyus si Abraham bag-u siya pinapaladan. Nakan ngani ti tanan tawu nu sumarig sa Diyus, papaladan diman parihu ga kanya.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Ipisu 1:20

ti nagbuhi uman sa kan Kiristu ginan sa kamatayan ag ti nagpakaun karampatan sa kanya hampay tumukaw baliwa sa sikun Diyus minsan sa kay maghari.

Ipisu 2:6

Dahil sa kanta pakiusa sa kan Kiristu Hisus binuhi uman kita Diyus kaibahan ni Kiristu, pinatukaw kita kaibahan niya sa langit.

Ipisu 3:10

Taynguna bay sa panab-anan iglisya gustu Diyus pagmipakilala sa manga pinunu ati sa langit ag sa manga may kapangyarihan ti unman may katabuhan pag kadunungan Diyus.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Pilipus 2:11

Ipabantug nida tanan magkun, “Si Hisu-Kiristu ti Panginuun,” hampay lalu dayawun ti Diyus Ama.

Hibriyu 8:5

Sida magsirbi ga sa anyu aninu Balay Diyus sa langit. Dahil pagka buwatun yi ni Muysis ti Turda, binilinan siya Diyus magkun, “Pag-ingat kawu, buwata nimu ti tanan manga bagay angay gid sa kay tutuu pag mustara ga kang ipinakakit sa kanmu sa bantud.”

Hibriyu 9:23

Kailangan lumpiyuhun sa katunda pag paraan ti manga bagay kanda paggamitun sa kanda magsamba, kanda hinuwad ginan sa manga kagamitan sa langit. Dapat ay lalu mahalaga pag ihandug sa Diyus ti kailangan tungkul sa manga kagamitan sa langit.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.