Ipinakakit 9:4 - Hanunuu

⁴ Ibinilin sa kanda danga pagdauta ti manga ilamnun, ti manga puun kayu una ti manga tanum. Tunda lang pag manga tawu ti unman may tanda Diyus sa kay bangas ti kanda pakurian.

Ipinakakit 9:4 Iomraidhean Croise

Hub 1:10

Pag-alagaan nimu siya hanggan kay magtal-anakan, kaibahan yi ti tanan niya manga kasiyunan. Pagpapaladan nimu una hintay kay pagbuwatun niya. Nakan lalu di gid mag-amat magyamu kay manga hayup sa buu daga.

Hub 1:12

Magkun ti Panginuun sa kan Satanas, “Ta, bul-a nimu ti tanan sa kanya, dapat danga lang nimu siya pagsakti.” Nakan ginminan ngani si Satanas sa atubangan Panginuun.

Hub 2:6

Magkun ti Panginuun sa kan Satanas, “Malu, buwata nimu kanmu pagkaibgan buwatun sa kanya, dapat ay danga lang nimu siya pagmatya.”

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Pag-ighit 12:23

Dahil lumawuy ti Panginuun sa Ihiptu hampay matyun ti manga panganay pag anak lalaki manga taga Ihiptu. Dapat nu makitan Panginuun ti dugu sa tungud ag sa habig bakalan niyu sabian, lawyan lang niya kanyu balay ag balaw pasnuan ti Manugpapas sumulud sa balay ag matyun kanyu manga panganay lalaki.

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Ipisu 4:30

Danga pagpakan-i niyu karukuan ti Ispiritu Banal Diyus dahil siya yi ngani ti pinagkapirma Diyus sa kanyu, ti puruyba hampay kamu kay pagkilalan-un aban nu rumas-ug ti taning kaudasan nu kita kay yi iribri.

Ipinakakit 14:1

Bag-u nakitan niku ati ti Anak Karanidu nakatindug sa bantud Siun. Kaibahan niya ti usa ka gatus may upatpulu may upat ka libu ka tawu. Nakasurat sa kanda manga bangas ti ngaran Anak Karanidu hanggan ti ngaran niya Ama.

Ipinakakit 6:6

May nadnugan aku bilang may magbagaw ginan sa karaw-an upat ka linalang may buhi magkun, “Ti tarabahu usa ka sirang kay suhul kang-ud lang ibili sa usa ka pulak tirigu. Ti tarabahu usa ka sirang kay suhul kang-ud lang ibili sa tulu ka pulak sibada. Dapat danga pagdauta ti lana ulibu una hanggan ti intus.”

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.

Ipinakakit 8:7

Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.