Ipinakakit 8:7 - Hanunuu

⁷ Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.

Ipinakakit 8:7 Iomraidhean Croise

Kanta 105:32

Sa halip uran, yilu ngap ag kilat ti ipinadara niya sa kanda daga.

Pag-ighit 9:33

Ginminan si Muysis sa atubangan hari Ihiptu ag linmuwas sa banwa. Ipinaabwat niya kay kamang ag nandarangin sa Panginuun; inmapas ti linti ag kilat, ti paglagpak yilu ag ti pag-uran.

Isayas 28:2

Pagpatingi kamu! Ti Panginuun may inalistu mabaskug ag makapangyarihan pag nasyun imaw ti manwayak sa Samarya. Parihu inda sa magpandaut pag bagyu ag sa magpaywas pag baha.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 30:30

Ipadnug Panginuun ti madala niya pag busis. Ipakakit niya kay kamang alistu yi pumarusa sa masyadu niya pag isug. Dunganan niya inda maglabdab pag apuy, kadaka bumuhus ti uran, ti linti, ti kilat, hanggan uran yilu ga manga batu.

Isayas 32:19

Una madaut ti kapuruan hanggan ti manga banwa dahil sa mag-uran yilu ga manga batu,

Isikil 38:22

Parusahan niku kawu ag kanmu manga sundalu, hanggan ti kaibahan nimu pag manga nasyun. Parusahan niku kamu sarut ag pagmaratyan. Pauranan niku kamu mabaskug pag uran, yilu ga manga batu, ag maglabdaban asupri.

Huwil 2:30

Mamakakit aku manga makadululaw sa langit hanggan sa daga: May makitan dugu ag apuy, hanggan talimbuuk anus.

Santiyagu 1:11

Ti ilamnun magkalayung pagka nasinggitan masyadu pag init. Magkarugnas kay busang, magpud-as kay rinu. Katunda diman waydi ti mayaman ud umapas sa asikasu sa kay kayamanan hanggan sa ud mamatay siya.

Huswi 10:11

Diritsu ti lagas manga Israilita sa kanda habang palus-ug sida ginan sa Bit Hurun. Ag pagka atabug sida sa Asika, pinauranan sida Panginuun daraka pag manga yilu ag nagkaramatay sida. Mas mayamu waya ti nagkaramatay sa kanda sa yilu kaysa baladaw manga Israilita.

1 Pidru 1:24

Angay sa nisurat sa Banal Kasuratan magkun, “Ti tanan pag manga tawu parihu sa ilamnun, parihu ga sa busang ilamnun kanda rinu. Ti ilamnun magkarubay, magkarugnas kay busang.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.

Ipinakakit 16:2

Inmati yi ngani ti un-an pag anghil, ibinuhus yi niya tag sa daga kay sukad ginan sa kay pinggan malukung. Imaw yi ngani ti nakabiyag madala ag masakit sa manga tawu sa may marka hayup malangas ag sa manga magsamba sa kay tawu-tawu.

Ipinakakit 16:21

Ilinagpak ginan sa langit ti yilu ga manga batu kay kabuyat limampulu ka kilu ti kada usa. Nadugsakan ti manga tawu yilu daraka, nakan naglapastangan sida laban sa Diyus. Masyadu gid madala inda pag kahigpitan.

Ipinakakit 6:8

May nakitan aku maan usa ka kabayu madapug kay bulbul. Kay ngaran ti masakyan siti Kamatayan. Ti ulian manga karadwa magdasun sa kay uryan. Pinakan-an kamaskihan ti ulian manga karadwa hanggan ti kamatayan hampay matyun nida ti ikap-at pag bahagi manga tawu sa babaw daga, matyun nida sa baladaw, sa lun-us, sa sakit hanggan sa maraisug pag manga hayup.

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.

Ipinakakit 9:15

Pinalpasan yi ngani ti upat ka anghil agud matyun ti ikatlu pag bahagi manga tawu. Daan yi itinigana tunda pag upat ka anghil para ati katpung pag kaudasan aban una kay sirang, una kay bulan, una kay timpu.

Ipinakakit 9:18

Tunda pag tulu ka kakurian ti mumatay sa ikatlu pag bahagi manga tawu. Ti apuy ngani hanggan anus hanggan asupri magluwang ginan sa kanda basad sulang.

Ipinakakit 9:4

Ibinilin sa kanda danga pagdauta ti manga ilamnun, ti manga puun kayu una ti manga tanum. Tunda lang pag manga tawu ti unman may tanda Diyus sa kay bangas ti kanda pakurian.