Ipinakakit 8:11 - Hanunuu

¹¹ Inda pag pamgasan kay ngaran Kapaitan. Nagpait yi ti ikatlu pag bahagi danum. Mayamu pag tawu ti namatay pagka nakainum siti pag danum.

Ipinakakit 8:11 Iomraidhean Croise

Pag-ighit 15:23

Pagka nakaras-ug sida sa Mara, nakakit sida danum, dapat unman nida mainum dahil mapait ti danum. (Inda ti dahilan nu hayga Mara kay ngaran pag rugar.)

Kabagawan 5:4

Dapat sa uryan kay itayak sa kanmu kakurian ag karukuan.

Hirimyas 23:15

“Nakan ngani, aku, ti Panginuun Makamaskihan, magkumun tungkul sa inda pag manga purupita: Pakaunun niku sida mapait pag karan-unun ag painmun niku sida irinmun may hilu dahil sa kanda naglantap ti kadautan sa buu daga.”

Hirimyas 9:15

Nakan aku, ti Panginuun Makamaskihan, ti Diyus Israil, magkumun pakan-un niku inda pag manga tawu mapait karan-unun bag-u painmun danum may hilu.

Karukuan 3:19

Mapait isipun kang pag-agwanta ag pag patalang-talang.

Karukuan 3:5

Dinugma niya aku ag masyadu kang karukuan ag kakurian.

Amus 5:7

Kaawaawa kamu! Pag-ikadaut niyu ti katuwiran ag pagbul-an halaga niyu ti katadlungan.”

Amus 6:12

Makapalagiw aw nguna ti manga kabayu sa batuhan? Makaaradu aw nguna ti baka sa dagat? Unman! Dapat ti katadlungan binwat niyu makasakit sa tawu, ag ti matarung binwat niyu daut.

Sakaryas 13:8

Mamatay ti duwa sa tulu ka bahagi nasakupan sa buu daga Israil.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.

Ipinakakit 8:7

Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.

Ipinakakit 9:15

Pinalpasan yi ngani ti upat ka anghil agud matyun ti ikatlu pag bahagi manga tawu. Daan yi itinigana tunda pag upat ka anghil para ati katpung pag kaudasan aban una kay sirang, una kay bulan, una kay timpu.

Ipinakakit 9:18

Tunda pag tulu ka kakurian ti mumatay sa ikatlu pag bahagi manga tawu. Ti apuy ngani hanggan anus hanggan asupri magluwang ginan sa kanda basad sulang.

Rut 1:20

Magkun si Nuymi sa kanda. “Danga yi aku pagtawaga Nuymi, nu unman Mara, dahil pinapait Makamaskihan Diyus kang buhi.