Ipinakakit 7:9 - Hanunuu

⁹ Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.

Ipinakakit 7:9 Iomraidhean Croise

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 76:4

Diyus, makamaskihan ag paggalangun kawu habang magdugsun kawu ginan sa manga bantud nu sa naan pinanmatay nimu kanmu manga kalaban.

Kanta 77:2

Sa udas kakurian magdarangin aku sa Panginuun. Ag nu yabi pag-ipaabawat niku kang manga kamang magdarangin, ag unman aku magkagasa, dapat unman diman aku may kabayaan.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Isikil 47:5

Nagsukat waya gid siya manga 1,700 ka luk-an siku, dapat unman yi niku inda madipay dahil masyadu yi abasad ti danum sa sapa. Kailangan yi inda languyun.

Danyil 4:1

Nagbuwat si Hari Nabukudunusur usa ka pabarita para sa tanan tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu ti kahusayan ag pag mayad gid kanyu kahamtangan.

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Libitiku 23:40

Sa un-an pag sirang, pagbuul kamu pinakamayad pag manga burak manga kayu, manga paklang palma, manga maraybung pag sanga kayu, una manga dariit kayu sa laad, bag-u pagmasulung kamu sa atubangan Panginuun kanyu Diyus sa sulud pitu ka sirang.

Sakaryas 10:8

Tawagan niku kang manga nasakupan ag tipunun niku sida. Iribri niku sida, ag yumamu sida parihu sa kabag-u.

Lukas 12:1

Nagtiripun ti mayamu pag linibu tawu, nanarat-an yi dahil sa kayamuan. Magkun si Hisus sa kay manga tuludluan, “Pag-aman kamu sa magpabalhinguun manga Parisiyu, parihu ga pamadaka sa tinapay kay ugali.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Huwan 12:13

nam-ul sida manga paklang palma bag-u linmakaw sida nagsulang sa kan Hisus sa dalan. Nanarawagan ti manga tawu magkun, “Dayawun nita ti Diyus. Papaladan Diyus ti sumitay sa ngaran Panginuun. Papaladan Diyus ti Hari Israil.”

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ipisu 6:13

Nakan ngani isulung niyu ti panangga ginan sa Diyus. Nu katunda makatiis kamu sa kanyu maglaban nu rumas-ug ti daut pag udas. Bag-u nu matapus tunda kanyu naglaban, marig-un diman kamu sa kanyu pagsarig sa Panginuun.

Hibriyu 11:12

Nakan madi malumuy yi gid si Abraham pag lalaki, may linahi di parihu sa pamgasan sa langit kay kayamu ag unman mabilang ga baras sa dagat.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 22:3

Naparaw yi ati una hintay pag isinaad Diyus. Siyun gid sa banwa kay tukawan Diyus hanggan Anak Karanidu. Magsirbi sa kanya kay manga suruguun.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 5:11

Nagbantay maan aku bag-u nadnugan niku ti bagaw linibu-libu kagadhan anghil matindugan sa sangput tukawan hari hanggan upat ka linalang may buhi hanggan manga gurangun.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

Ipinakakit 6:11

Pinakan-an sida rutay malagti ti kada usa sa kanda. Bag-u sinabihan sida pag-alagadlagad waya diit pag udas hanggan sa udwaya mahustu ti bilang nida manga patar-ari hanggan manga kaibahan magsirbi sa kan Kiristu matyun diman parihu waydi ga kanda.

Ipinakakit 7:8

sa lahi ni Sabulun, sa lahi ni Husi hanggan sa lahi ni Binhamin.