Ipinakakit 7:3 - Hanunuu

³ “Danga niyu dapu pagdauta ti daga hanggan dagat una ti manga puun kayu hanggan sa udwaya matandaan ti manga panawuhun nita Diyus sa kanda bangas.”

Ipinakakit 7:3 Iomraidhean Croise

Pag-ighit 12:13

Ti dugu ipinayid niyu sa bakalan sabian imaw ti tanda kamu magpangulian ati pag balay. Nu makitan niku ti dugu, lawyan lang niku kanyu balay, nakan unman may sarut rumas-ug sa kanyu nu parusahan niku ti manga taga Ihiptu.

Pag-ighit 12:23

Dahil lumawuy ti Panginuun sa Ihiptu hampay matyun ti manga panganay pag anak lalaki manga taga Ihiptu. Dapat nu makitan Panginuun ti dugu sa tungud ag sa habig bakalan niyu sabian, lawyan lang niya kanyu balay ag balaw pasnuan ti Manugpapas sumulud sa balay ag matyun kanyu manga panganay lalaki.

Isayas 27:8

Ipinabihag Panginuun kay manga nasakupan bilang parusa sa kanda. Ipinalid niya sida sa pinakamabisug pag durus ginan sa butlakan.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Isayas 65:8

Magkun waya ti Panginuun “Balaw pagdautun ti kaway ubas may manga daut pag burak, dahil kay mayad pag burak mapakinabangan waya. Katida diman kang buwatun sa kang manga nasakupan, balaw niku sida rurisun tanan. Iribri di niku ti manga magsirbi sa kangku.

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Danyil 3:26

Nakan nagpakarani si Nabukudunusur sa puwirtahan maglabdaban pag pugun bag-u nagtawag, “Sadrak, Misak, ag Abidnigu, manga suruguun Kaabwat-abwatan pag Diyus, pagluwas kamu asan ginan! Abala kamu!” Bag-u nagluwas ngani sida tulu ginan sa basad apuy.

Danyil 6:16

Nakan ipinadakup hari si Danyil ag ipinayamut sa may liyun kali. Magkun ti hari sa kan Danyil, “Mana iribri kawu nimu Diyus kanmu pirmi pagsirbihan.”

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Matiyu 24:22

Nu unman padag-udun di Diyus aban tunda pag udas kakurian, unman may tawu maribri. Dapat dahil ngani sa kay manga pinili, padag-udun Diyus tunda pag udas kakurian.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Huwan 3:33

Nu ti tawu magpaniwala sa kay pag-itultul, tunda ngani pag tawu tigpuruyba sa kay katutuuhanan Diyus.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ipinakakit 13:16

Sa pilitan pinanmarkahan hayup malangas ti tanan tawu sa sikun nida kamang aw ngatay sa kanda bangas, una may kangaranan pag manga tawu, una unman may kangaranan, una manga mayaman, una manga pugri, una manga panawuhun, una manga balaw panawuhun, tanan-tanan sida ipinamarka.

Ipinakakit 13:17

Unman mahimu magbili una magpabili nu unman tunda lang ti may marka ngaran hayup malangas aw ngatay rumiru niya ngaran.

Ipinakakit 14:1

Bag-u nakitan niku ati ti Anak Karanidu nakatindug sa bantud Siun. Kaibahan niya ti usa ka gatus may upatpulu may upat ka libu ka tawu. Nakasurat sa kanda manga bangas ti ngaran Anak Karanidu hanggan ti ngaran niya Ama.

Ipinakakit 14:9

Nagdasun sa duwa ka anghil ti ikatlu maan nagbagaw daka magkun, “Una sitapu ti magsamba sa hayup malangas ag sa kay tawu-tawu una magtanggap marka sa kay kamang una bangas,

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

Ipinakakit 22:4

Makitan nida kay uyahun ag misurat kay ngaran sa kanda manga bangas.

Ipinakakit 6:6

May nadnugan aku bilang may magbagaw ginan sa karaw-an upat ka linalang may buhi magkun, “Ti tarabahu usa ka sirang kay suhul kang-ud lang ibili sa usa ka pulak tirigu. Ti tarabahu usa ka sirang kay suhul kang-ud lang ibili sa tulu ka pulak sibada. Dapat danga pagdauta ti lana ulibu una hanggan ti intus.”

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.

Ipinakakit 7:2

Bag-u nakitan niku ti usa waya ka anghil nag-atag tungud baliwa sa butlakan init, may bitbit siya pananda ginan sa Diyus buhi. Nagbagaw siya daka sa upat ka anghil sa pinakan-an Diyus kamaskihan mandaut sa daga hanggan sa dagat magkun,

Ipinakakit 9:4

Ibinilin sa kanda danga pagdauta ti manga ilamnun, ti manga puun kayu una ti manga tanum. Tunda lang pag manga tawu ti unman may tanda Diyus sa kay bangas ti kanda pakurian.