Ipinakakit 7:16 - Hanunuu

¹⁶ Balaw yi sida lun-usun, unman yi uwawun. Balaw yi sida mainitan, balaw yi sida ga magkapalian init.

Ipinakakit 7:16 Iomraidhean Croise

Kanta 121:5

Ti Panginuun mag-alaga sa kanmu; asan siya sa kanmu arani mag-alaga sa kanmu.

Kanta 121:6

Ti init sirang unman makasakit sa kanmu ngatay ti rayaw bulan nu yabi.

Kanta 143:6

Ipinaabwat niku kang manga kamang sa kanmu sa kang magdarangin; magkauwaw aku sa kanmu parihu sa mamara pag daga magkauwaw sa danum.

Kanta 42:2

Buhi pag Diyus, magkauwaw aku sa kanmu. Kapira waya aku makaatag sa kanmu Balay hampay makapakarani sa kanmu atubangan?

Kanta 63:1

Diyus, kawu kang Diyus ag magdangup aku sa kanmu. Magkauwaw kang buu buhi sa kanmu, ga asan aku sa mamara pag daga unman may danum.

Kanta ni Sulumun 1:6

Danga niyu pagpuyai kang pagkamabiru dahil sa subra pag init. Nangisug sa kangku kang manga patar-ari lalaki, ag pinatarabahu nida aku sa ubasan. Nakan udyi aku may udas hampay man-asikasu sa kang sadili.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 41:17

“Nu manhanap danum kang manga nasakupan pugri, bag-u unman sida may masampakan, ag nu mamara kanda manga tululnan sa uwaw, aku ti Panginuun ti mangawat sa kanda. Aku ti Diyus Israil balaw pumabaya sa kanda.

Isayas 49:10

Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Hunas 4:8

Pagka sinminggit ti init, pinahuyup Diyus ti mainit pag durus ginan sa butlakan. Ga malipung si Hunas pagka nasinggitan init kay ulu. Gustu niya mamatay yi lang, nakan magkun siya, “Mayad waya ti namatay yi lang aku kaysa mabuhi waya.”

Matiyu 13:21

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Matiyu 13:6

Dapat pagka nasinggitan masyadu gid pag init, nalayung tunda dahil unman may gamut aba.

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Markus 4:17

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Markus 4:6

Dapat pagka nasinggitan masyadu gid pag init, nalayung yi tunda dahil unman may gamut aba.

Lukas 1:53

Binsug niya ti manga magkalun-us sa manga mayad pag kabagayan. Tinulak niya ti manga mayaman, unman pinakan-an una lang hintay.

Lukas 6:21

Papaladan Diyus kamu ti manga magkalun-us taynguna, dahil mabsug kamu aban. Papaladan Diyus kamu ti manga maglumi, dahil pasulungun kamu aban.

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Santiyagu 1:11

Ti ilamnun magkalayung pagka nasinggitan masyadu pag init. Magkarugnas kay busang, magpud-as kay rinu. Katunda diman waydi ti mayaman ud umapas sa asikasu sa kay kayamanan hanggan sa ud mamatay siya.

Ipinakakit 21:4

Payidun niya ti manga luwa tanan tawu, udyi may kamatayan, una kakurian, udyi may maglumi, udyi waydi may sakit. Dahil naparaw yi ti daan pag manga kabagayan.”