Ipinakakit 7:1 - Hanunuu

¹ Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.

Ipinakakit 7:1 Iomraidhean Croise

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 27:3

Aku ti Panginuun ti mag-alaga sa ubasan. Pagbunyagan niku inda ag pagbantayan sirang yabi hampay balaw madaut.

Isayas 27:8

Ipinabihag Panginuun kay manga nasakupan bilang parusa sa kanda. Ipinalid niya sida sa pinakamabisug pag durus ginan sa butlakan.

Hirimyas 49:36

Girahun ti Ilam manga kalaban ginan sa tanan bahagi, ag wayakun niku kay manga nasakupan sa tanan rugar. Ag bihagun sida sa tanan nasyun sa buu kalibutan.

Isikil 37:9

Magkun ti Panginuun sa kangku, “Anak tawu, sabihi ti durus aku, ti Panginuun Diyus, magkun: Durus, pag-uyup kawu ginan sa upat ka bahagi, sa pagpakaun arup sa inda pag manga namatay hampay mabuhi sida.”

Isikil 7:2

“Anak tawu, aku, ti Panginuun Diyus, magbagaw magkun sa nasyun Israil, ‘Imaw yi inda ti katapusan buu daga Israil.

Danyil 11:4

Nu makapangyarihan yi siya, madaut kay kaharian ag matunga sa upat ka suuk kalibutan, dapat balaw kay manga katawuhan ti humari. Ti manga umilis sa kanya pag hari balaw yi pumarihu sa kanya pag pamahala. Bul-un kay kaharian ag iayaw sa iba.

Danyil 7:2

“Usa ka yabi, may nakitan aku sa kang pangakakitun usa ka malapad pag dagat paghampakun mabisug pag durus ginan sa upat ka puun durus.

Danyil 8:8

Nagmakapangyarihan waya gid ti kambing. Dapat sa masyadu gid pag kapangyarihan, napuud kay daka pag sungay. Dapat may tinmubu upat ka tuhay pag sungay kay turunu sa upat ka suuk kalibutan.

Hunas 1:4

Pagka sida sa kalalawdan yi, nagpadara ti Panginuun mabaskug pag durus sa dagat, bag-u binmagyu mabisug tugka sa ga marangga yi ti barku.

Sakaryas 6:1

Nakitan waya gid niku ti upat ka kalisa magluwang sa karaw-an duwa ka bantud galang.

Sakaryas 6:5

Magkun siya sa kangku, “Inda sida imaw ti upat ka durus sa kapawaan langit ginan sa atubangan Panginuun sa buu kalibutan.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Ipinakakit 20:8

Lumuwang siya hampay dayaun niya ti manga nasyun tawu sa bilug kalibutan, ti manga taga Gug hanggan taga Magug. Tipunun sida ni Satanas hampay maglaban sa gira. Parihu kay kagadhan ga taypuk baras sa baybay dagat kay kayamu.

Ipinakakit 6:6

May nadnugan aku bilang may magbagaw ginan sa karaw-an upat ka linalang may buhi magkun, “Ti tarabahu usa ka sirang kay suhul kang-ud lang ibili sa usa ka pulak tirigu. Ti tarabahu usa ka sirang kay suhul kang-ud lang ibili sa tulu ka pulak sibada. Dapat danga pagdauta ti lana ulibu una hanggan ti intus.”

Ipinakakit 7:3

“Danga niyu dapu pagdauta ti daga hanggan dagat una ti manga puun kayu hanggan sa udwaya matandaan ti manga panawuhun nita Diyus sa kanda bangas.”

Ipinakakit 8:7

Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.

Ipinakakit 9:14

Magkun siya sa ikan-um pag anghil may budyung, “Palpasi yi nimu ti upat ka anghil magapusan sa pangpang daka pag sapa Iyupratis.”

Ipinakakit 9:4

Ibinilin sa kanda danga pagdauta ti manga ilamnun, ti manga puun kayu una ti manga tanum. Tunda lang pag manga tawu ti unman may tanda Diyus sa kay bangas ti kanda pakurian.