Ipinakakit 6:2 - Hanunuu

² Pagka namantay aku may nakitan aku usa ka kabayu malagti. Ti masakyan siti may bitbit bayi. Pinirimyuhan siya sangbaw sa kay nanalu. Nag-atag siya hampay magparargu siya sa kay magpanalu.

Ipinakakit 6:2 Iomraidhean Croise

Kanta 110:2

Ginan sa Siun, padakaun Panginuun kanmu kaharian, ag harian nimu kanmu manga kalaban.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Kanta 98:1

Manganta kita bag-u pag kanta sa Panginuun, dahil nagbuwat siya makadululaw pag manga bagay! Sa panab-anan niya sadili kamaskihan ag kabisugan tinalu niya kanta manga kalaban.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

1 Kurintu 15:25

Dahil kailangan si Kiristu tigpamahala hanggan sa udwaya mipauli Diyus sa sirung raprapa ni Kiristu ti tanan niya kalaban.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 11:18

Magkagalit ti manga unman magsarig sa Diyus, dahil nagras-ug yi ti kaudasan nimu pangagalit. Pihuun yi nimu ti manga namatay nu daut nu mayad. Kanmu diman kaudasan pamakaun pirimyu sa manga suruguun nimu, sa manga purupita. Pakan-an diman nimu pirimyu ti manga napasakup sa kanmu hanggan ti tanan maggalang sa kanmu ngaran, una mayaman una pugri. Udas yi hampay dautun nimu ti manga nagpakaun kakurian sa kalibutan.”

Ipinakakit 14:14

Bag-u nagbantay aku, may nakitan aku usa ka malagti pag rurum, may matukawan sa rurum ga anyu tawu, sa kay ulu may gintu pag sangbaw imaw ti ipinirimyu sa kanya ag may bitbit siya matarum pag karit.

Ipinakakit 15:2

May nakitan aku ga dagat kay histuda ga bubug pag salamin kay pagkasnag. Nakitan diman niku ti manga tawu nanalu sa hayup malangas hanggan sa kay tawu-tawu hanggan sa rumiru niya ngaran. Ati sida pag matindugan sa arani dagat ga bubug pag salamin kay pagkasnag. May bitbit sida alpa kay ipinakaun Diyus sa kanda.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 19:14

Nagdasun sa kay uryan ti kagadhan manga anghil ginan sa langit, nakasulung sida rutay manga malagti unman may uring, manga masakyan diman sida sa manga kabayu malagti.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 9:7

Ti manga apan kay histuda parihu sa manga kabayu alistu pan-gira. Sida ga pinasangbawan gintu, parihu ga tawu kanda uyahun.