Ipinakakit 5:8 - Hanunuu

⁸ Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.

Ipinakakit 5:8 Iomraidhean Croise

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Kanta 150:3

Dayawun niyu siya sa pagpatunug niyu manga budyung. Dayawun niyu siya sa pagpatunug niyu manga alpa hanggan manga lira.

Kanta 33:2

Dayawa niyu ti Panginuun sa panab-anan alpa. Patunugi niyu ti Panginuun manga pamatunug may bakyang.

Kanta 43:4

Bag-u makapakarani aku sa kanmu harandugan, Diyus, kawu tigpakaun sa kangku kabayaan. Magdayaw aku sa kanmu, Diyus niku, sa panab-anan pagpatnug alpa.

Kanta 81:2

Pagkanta kamu ag patunugan ti pamakaransing dungan ti marinu pag tunug alpa ag lira.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 5:23

hampay ti tanan tawu gumalang sa Anak parihu sa kanda maggalang sa Ama. Nu ti tawu unman maggalang sa Anak, unman diman waydi paggalangun niya ti Ama ti nagsugu sa Anak.

Hibriyu 1:6

Kainda waya kay sinabi Diyus, pagka arani yi suguun niya ti panganay tag sa kalibutan, magkun siya, “Kailangan siya sambahun tanan manga anghil.”

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.

Ipinakakit 15:2

May nakitan aku ga dagat kay histuda ga bubug pag salamin kay pagkasnag. Nakitan diman niku ti manga tawu nanalu sa hayup malangas hanggan sa kay tawu-tawu hanggan sa rumiru niya ngaran. Ati sida pag matindugan sa arani dagat ga bubug pag salamin kay pagkasnag. May bitbit sida alpa kay ipinakaun Diyus sa kanda.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 4:6

Siyun diman sa atubangan tukawan hari may ga dagat, kay histuda ga bubug pag salamin kay pagkasnag. Sa atubangan tukawan hari hanggan sa kay sangput may upat ka linalang may buhi, pudu mata sa kay sarangwan hanggan sa kay dayu.

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

Ipinakakit 5:11

Nagbantay maan aku bag-u nadnugan niku ti bagaw linibu-libu kagadhan anghil matindugan sa sangput tukawan hari hanggan upat ka linalang may buhi hanggan manga gurangun.

Ipinakakit 5:12

Magkarantahan ti manga anghil magkun, “Ti Anak Karanidu ti minatay, nakan siya ti may karampatan makatanggap kamaskihan, kayamanan, kadunungan hanggan kabisugan, paggalang, kadayawan hanggan kapurihan.”

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.

Ipinakakit 6:1

Bag-u nakitan niku binukasan yi Anak Karanidu ti usa ka kula, bag-u nadnugan niku ti usa sa upat ka linalang may buhi nagbagaw ga linti kay kadaka kay tunug magkun, “Abala kawu.”