Ipinakakit 5:5 - Hanunuu

⁵ Bag-u nagsabi ti usa sa manga gurangun sa kangku magkun, “Danga duy maglumi. Ti Liyun sa lahi ni Huda, ti mamaski pag linahi ni Dabid imaw ti nanalu nakan siya ti makabukas kasuratan ag makabuul kay pitu ka kula.”

Ipinakakit 5:5 Iomraidhean Croise

1 Hari 10:20

May imaw waydi histuda liyun sa kada saruy halintang. Dusi tanan ka histuda sa unum ka halintang. Unman may makaparihu sa inda pag turukawan sa una naan pag kaharian.

2 Krunika 9:18

May unum ka halintang ti tukawan hari, ag inda may gintu tarat-an lulud. Sa kada giriw may turungbawan kamang may imaw histuda liyun matindugan.

Hub 41:15

Kay dayu may madamul pag manga siksik ga sa manga magturungbawan panangga.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Hirimyas 31:16

Dapat magkun ti Panginuun, “Danga yi kawu maglumi dahil pirimyuhan niku kawu sa kanmu manga binuwat. Bumalik kanmu manga anak ginan sa daga manga kalaban.

Danyil 7:16

Nakan nagpakarani aku sa usa sa manga matindugan ati ag namaingana nu hintay kay kahulugan tunda kang nakitan.

Bilang 24:9

Parihu sida sa liyun nu magkaturug unman may magpanghas mamulaw sa kanda. Pagmayadun ti manga magmayad sa kanda ag saadan ti manga magsaad sa kanda.”

Lukas 23:28

Dapat nag-aliwliw si Hisus sa kanda bag-u magkun, “Kamu pag manga babayi taga Hirusalim danga aku kanyu lumian. Kanyu lumian ngap kanyu sadili hanggan kanyu manga anak.

Lukas 7:13

Pagka nakitan siya Panginuun, kinaawan niya ti babayi. Magkun si Hisus, “Danga maglumi duy kawu.”

Lukas 8:52

Nanlulumian ti tanan tawu nagkarabayngan dahil sa anak babayi. Dapat ay sinabi ni Hisus, “Danga yi kamu maglumi, dahil siya balaw tigbak, maturugan lang siya.”

Huwan 20:13

Pinmaingana sida sa kan Marya magkun, “Kawu duy hayga magpakalumi?” Sinmagut si Marya magkun, “Dahil bin-ul nida kang Panginuun ag unman niku alam nu naan nida pag ipinauli.”

Ruma 1:3

Inda pag Mayad pag Barita tungkul ngani sa kay Anak, sa kan Hisu-Kiristu, kanta Panginuun. Nu angay sa kay pagkatawu si Hisus inanak ginan sa kay linahi ni Dabid. Dapat ay nu angay sa kay pagka-Diyus, ipinakilala siya yi ngap ti Anak Diyus may kamaskihan, pagka siya nabuhi uman ginan sa kamatayan.

Ruma 15:12

Idinugang waya ni Isayas magkun, “Rumas-ug ti usa ka linahi ni Isai, ipinakaun siya Diyus hampay magpamahala sa manga balaw Hudiyu. Siya ti sarigan nida.”

Hibriyu 7:14

Dahil maalaman yi waydi nita ti Panginuun ti sa lahi ni Huda ag sa lahi ni Huda unman may sinabi si Muysis kuntay sida manughandug sa Balay Diyus.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 5:4

Aku naglumi gid masyadu, dahil unman may nakitan tawu may karampatan magbukas kasuratan ag magduaw kay sulud.

Ipinakakit 6:1

Bag-u nakitan niku binukasan yi Anak Karanidu ti usa ka kula, bag-u nadnugan niku ti usa sa upat ka linalang may buhi nagbagaw ga linti kay kadaka kay tunug magkun, “Abala kawu.”

Ipinakakit 7:13

Pinaingana aku usa ka gurangun ati sa arani tukawan hari magkun, “Si unu tunda pag manga tawu ti may rutay malagti, naan ginan nguna sida?”