Bag-u nakitan maan niku ti usa ka makapangyarihan pag anghil magpakababa ginan sa langit. Magkasaputan siya rurum ag may balangaw sa kay tungud ulu. Kay uyahun ga singgit init kay kasilaw. Kay manga lulud ga labdab apuy kay karara.
Bag-u ti usa ka makamaskihan pag anghil nagpunpun batu ga usa ka galingan batu kay kalaun bag-u kay ayinmut tag sa dagat. Magkun ti anghil, “Katunda diman aban pag idugsak ti bantug pag banwa Babilunya udyi makitan uman.
Bag-u may nakitan aku sa sikun pag kamang Hari sa kay tukawan ti usa ka kasuratan malulunan may surat sa sulud hanggan sa luwas, siniradu pitu ka kula.
Bag-u nagsabi ti usa sa manga gurangun sa kangku magkun, “Danga duy maglumi. Ti Liyun sa lahi ni Huda, ti mamaski pag linahi ni Dabid imaw ti nanalu nakan siya ti makabukas kasuratan ag makabuul kay pitu ka kula.”