Ipinakakit 4:8 - Hanunuu

⁸ Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

Ipinakakit 4:8 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 3:14

Magkun ti Diyus sa kan Muysis, “Aku si aku. Inda kanmu isagut sa kanda: ‘Ti Diyus balaw magkauman imaw ti nagpadara sa kangku tabug sa kanyu.’ ”

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isikil 1:18

Ti palibut kada gulung malapad ag maradala, dahil punu inda manga mata.

Isikil 1:5

May nakitan diman aku sa karaw-an rurum upat ka buhi pag manga linalang parihu sa manga tawu,

Isikil 1:6

dapat ti kada usa sa kanda may upat ka uyahun ag upat ka pakpak. Tul-id kanda manga kapusgan, kanda manga lulud parihu sa lulud baka, magsinglaw parihu sa pinakinis galang. May imaw kamang tawu sa kada sirung nida pakpak,

Isikil 10:12

Ti buu bilug manga kirubin, kanda dayu, hanggan kamang, ag pakpak punu mata. Katunda diman ti manga gulung punu mata.

Huwil 1:15

Malu, arani yi ti sirang pagparusa Panginuun Makamaskihan.

Binwat 20:31

Nakan ngani, manga patar-ari, pag-ingat kamu, danga niyu malimtan kang nagtudlu sa kanyu sirang yabi sa sulud tulu ka timpu, tiniis niku ti mayamu pag kakurian.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

1 Tisalunika 2:9

Pihu udwaya nalimtan niyu, manga patar-ari, nu kabitay kami nagbudlay sa tarabahu sirang yabi hampay kami unman magpakuri sa una hintay sa kanyu, sa kanmi magtudlu Mayad pag Barita Diyus sa kanyu.

1 Timutiyu 4:16

Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Hibriyu 13:8

Nu kabitay si Kiristu Hisus kaaldaw, hanggan taynguna, balaw mauman siya hanggan waya aban.

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 11:17

magkun, “Panginuun Diyus makamaskihan sa tanan, kawu ti Diyus kainda, una kaybi ginan. Magpasalamat kami dahil ginamit nimu kanmu kamaskihan unman may katapusan. Kawu naghari yi taynguna.

Ipinakakit 14:11

Ti apuy magpakuri sa kanda, magtalimbuuk ti anus hanggan waya aban. Sirang yabi unman may pahari sa kakurian ti manga nagsamba sa hayup malangas ag sa kay tawu-tawu ag una hintay ti nagtanggap sa kay marka.”

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.

Ipinakakit 16:7

Nadnugan niku may nagbagaw ginan sa surunugan manga pag-isagda sa Panginuun magkun, “Panginuun Diyus, kawu ti makamaskihan sa tanan, tutuu matadlung ngani ag kang-ud kanmu pag sintinsiya.”

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 21:22

Unman may nakitan aku Balay Diyus sa banwa. Dahil ti Panginuun Diyus makamaskihan sa tanan hanggan ti Anak Karanidu imaw ti pinakasimbahan ati.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 4:6

Siyun diman sa atubangan tukawan hari may ga dagat, kay histuda ga bubug pag salamin kay pagkasnag. Sa atubangan tukawan hari hanggan sa kay sangput may upat ka linalang may buhi, pudu mata sa kay sarangwan hanggan sa kay dayu.

Ipinakakit 4:9

Katunda ngani ti upat ka linalang may buhi kanda magdayaw, maggalang hanggan magpasalamat sa hari magtukaw sa tukawan, imaw ti may buhi unman may katapusan.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.

Ipinakakit 6:1

Bag-u nakitan niku binukasan yi Anak Karanidu ti usa ka kula, bag-u nadnugan niku ti usa sa upat ka linalang may buhi nagbagaw ga linti kay kadaka kay tunug magkun, “Abala kawu.”

Ipinakakit 6:6

May nadnugan aku bilang may magbagaw ginan sa karaw-an upat ka linalang may buhi magkun, “Ti tarabahu usa ka sirang kay suhul kang-ud lang ibili sa usa ka pulak tirigu. Ti tarabahu usa ka sirang kay suhul kang-ud lang ibili sa tulu ka pulak sibada. Dapat danga pagdauta ti lana ulibu una hanggan ti intus.”

Ipinakakit 7:11

Nagtinindug ti tanan manga anghil manga nakatindug sa kay sangput tukawan hari, manga gurangun hanggan upat ka linalang may buhi. Napadapa sida sa atubangan Hari, nagsamba sida sa Diyus.

Ipinakakit 7:15

Nakan ngani sida sa atubangan tukawan Diyus ag magsirbi sa kanya sirang yabi sa kay balay. Ti nakatukaw sa tukawan hari tig-ukub sa kanda hampay udyi may mangyari sa kanda.