Ipinakakit 4:6 - Hanunuu

⁶ Siyun diman sa atubangan tukawan hari may ga dagat, kay histuda ga bubug pag salamin kay pagkasnag. Sa atubangan tukawan hari hanggan sa kay sangput may upat ka linalang may buhi, pudu mata sa kay sarangwan hanggan sa kay dayu.

Ipinakakit 4:6 Iomraidhean Croise

1 Hari 7:23

Bag-u nagpabuwat si Huram daka pag palaulian danum ga kawa, pag-ingarnan Dagat. Kay kaabasad inda 5 ka luk-an siku, 10 ka luk-an siku kay bulang, ag 30 ka luk-an siku kay sukat palibuyung.

Hub 28:17

Higit waya inda sa gintu ngatay bubug. Balaw inda pangunu gintu.

Pag-ighit 38:8

Bag-u namuwat siya galang palanggana hanggan kay turungbawan inda human diman sa galang. Ti manga galang ginamit siyun ginan sa galang salamin manga babayi magsirbi sa sabian Turda Tiripnan.

Isikil 10:12

Ti buu bilug manga kirubin, kanda dayu, hanggan kamang, ag pakpak punu mata. Katunda diman ti manga gulung punu mata.

Isikil 10:14

Ti kada kirubin may upat ka uyahun. Kay histuda un-an uyahun kirubin, kay ikadwa tawu, kay ikatlu liyun, ag kay ikap-at agila.

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 15:2

May nakitan aku ga dagat kay histuda ga bubug pag salamin kay pagkasnag. Nakitan diman niku ti manga tawu nanalu sa hayup malangas hanggan sa kay tawu-tawu hanggan sa rumiru niya ngaran. Ati sida pag matindugan sa arani dagat ga bubug pag salamin kay pagkasnag. May bitbit sida alpa kay ipinakaun Diyus sa kanda.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 21:11

Sa kanya yi ti kadayawan Diyus. Masilaw ti banwa parihu ga manga mahalaga pag batu haspi, masnag ga bubug.

Ipinakakit 21:18

Haspi pag batu ti binwat alad. Ti buu banwa lunsay yi gintu, masnag parihu sa bubug.

Ipinakakit 21:21

Batu sa manlut ti binwat kay sampulu may duwa ka puwirtahan. Tigus-a ka batu sa manlut kang-ud sa kada puwirtahan. Ti karsada sa sulud banwa lunsay yi gintu, masnag parihu sa bubug.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 5:11

Nagbantay maan aku bag-u nadnugan niku ti bagaw linibu-libu kagadhan anghil matindugan sa sangput tukawan hari hanggan upat ka linalang may buhi hanggan manga gurangun.

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.

Ipinakakit 6:1

Bag-u nakitan niku binukasan yi Anak Karanidu ti usa ka kula, bag-u nadnugan niku ti usa sa upat ka linalang may buhi nagbagaw ga linti kay kadaka kay tunug magkun, “Abala kawu.”

Ipinakakit 6:6

May nadnugan aku bilang may magbagaw ginan sa karaw-an upat ka linalang may buhi magkun, “Ti tarabahu usa ka sirang kay suhul kang-ud lang ibili sa usa ka pulak tirigu. Ti tarabahu usa ka sirang kay suhul kang-ud lang ibili sa tulu ka pulak sibada. Dapat danga pagdauta ti lana ulibu una hanggan ti intus.”

Ipinakakit 7:11

Nagtinindug ti tanan manga anghil manga nakatindug sa kay sangput tukawan hari, manga gurangun hanggan upat ka linalang may buhi. Napadapa sida sa atubangan Hari, nagsamba sida sa Diyus.

Ipinakakit 7:17

Dahil ti Anak Karanidu sa karaw-an tukawan hari tig-alaga sa kanda. Sida ibahan niya sa manga bulbugan gimpuunan buhi. Payidan Diyus kanda luwa sa kanda manga mata.”