Ipinakakit 4:4 - Hanunuu

⁴ Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 4:4 Iomraidhean Croise

Istir 8:15

Pagka linmuwas Si Murdukyu sa balay hari, nakasulung siya rutay hari malagti ag malatuy bag-u nakakulimpay rutay linu kulay dungun, ag may kuruna gintu sa kay ulu.

Kanta 21:3

Tinanggap nimu siya ag pinakan-an mayad pag manga bagay. Pinasulungan nimu siya kuruna lunsay gid gintu.

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Lukas 22:30

Nu maghari yi aban aku kamu kumaun sa kang lamak ag uminum. Kamu aban tumukaw sa manga tukawan hari, bistahun niyu ti sampulu may duwa ka linahi ni Israil.”

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Ipinakakit 11:16

Ti duwapulu may upat ka gurangun matukawan sa kanda manga turukawan sa atubangan napadapa nagsamba sa Diyus,

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 19:14

Nagdasun sa kay uryan ti kagadhan manga anghil ginan sa langit, nakasulung sida rutay manga malagti unman may uring, manga masakyan diman sida sa manga kabayu malagti.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 4:6

Siyun diman sa atubangan tukawan hari may ga dagat, kay histuda ga bubug pag salamin kay pagkasnag. Sa atubangan tukawan hari hanggan sa kay sangput may upat ka linalang may buhi, pudu mata sa kay sarangwan hanggan sa kay dayu.

Ipinakakit 5:11

Nagbantay maan aku bag-u nadnugan niku ti bagaw linibu-libu kagadhan anghil matindugan sa sangput tukawan hari hanggan upat ka linalang may buhi hanggan manga gurangun.

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.

Ipinakakit 6:11

Pinakan-an sida rutay malagti ti kada usa sa kanda. Bag-u sinabihan sida pag-alagadlagad waya diit pag udas hanggan sa udwaya mahustu ti bilang nida manga patar-ari hanggan manga kaibahan magsirbi sa kan Kiristu matyun diman parihu waydi ga kanda.

Ipinakakit 7:11

Nagtinindug ti tanan manga anghil manga nakatindug sa kay sangput tukawan hari, manga gurangun hanggan upat ka linalang may buhi. Napadapa sida sa atubangan Hari, nagsamba sida sa Diyus.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.

Ipinakakit 9:7

Ti manga apan kay histuda parihu sa manga kabayu alistu pan-gira. Sida ga pinasangbawan gintu, parihu ga tawu kanda uyahun.