Ipinakakit 4:11 - Hanunuu

¹¹ “Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”

Ipinakakit 4:11 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

2 Samwil 22:4

Dayawun kawu, Panginuun, dahil nu maghagad awat aku sa kanmu, pag-iribri nimu aku sa kang manga kalaban.

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Hub 36:3

Mayamu aku magkaalaman ag patutuuhanan niku sa kanmu kuntay kang-ud ti Diyus, ti naglalang sa kangku.

Kanta 18:3

Dayawun kawu, Panginuun, dahil nu maghagad awat aku sa kanmu pag-iribri nimu aku sa kang manga kalaban.

Kanta 68:34

Ipabantug niyu ti pagkamakamaskihan Diyus maghari sa Israil. Ti kalangitan magpaburayhaw kay pagkamakamaskihan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Kabagawan 16:4

May turunu ti tanan linalang Panginuun, una ti manga daut pag tawu itinagka niya midamhak.

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Ruma 11:36

Dahil Diyus ti gimpuunan tanan pag manga linalang. Tunda tanan ginan sa kanya, ag tabug diman sa kanya. Sa kanya di ti kadayawan hanggan aban. Amin.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Hibriyu 1:10

Bag-u inda waya kay sabi sa Bagaw magkun, “Panginuun, sa kabag-u nikana nimu ti daga, hanggan ti langit binwat waydi nimu manga kamang.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Ipinakakit 1:6

Binwat niya kita usa ka nasyun manga hari ag manga manughandug hampay kita magsirbi sa Diyus, sa kay Ama ni Hisus. Pagsa kan Hisu-Kiristu ti kadayawan hanggan kamaskihan hanggan waya aban. Amin.

Ipinakakit 10:6

bag-u nanumpa siya hinangbit niya ti ngaran Diyus buhi hanggan waya aban, imaw ti naglalang langit, daga, dagat hanggan tanan-tanan apinauli siyun. Magkun ti anghil, “Balaw yi dumugay aban.

Ipinakakit 14:7

Nagbagaw ti anghil daka magkun, “Pagkadala kamu sa Diyus, dayawun niyu kay kamaskihan. Dahil rinmas-ug yi kay kaudasan hampay pilahun niya ti manga matadlung sa manga unman matadlung. Sambahun niyu ti Diyus ti naglalang langit, daga ag dagat hanggan bulbugan danum.”

Ipinakakit 19:1

Bag-u nadnugan niku bilang may nagbagaw mayamu gid tawu sa langit magkun, “Dayawun ti Panginuun! Diyus ti gimpuunan karibrihan, kadayawan hanggan kamaskihan.

Ipinakakit 5:12

Magkarantahan ti manga anghil magkun, “Ti Anak Karanidu ti minatay, nakan siya ti may karampatan makatanggap kamaskihan, kayamanan, kadunungan hanggan kabisugan, paggalang, kadayawan hanggan kapurihan.”

Ipinakakit 5:2

Nakitan niku ti usa ka mamaski pag anghil nagpahayag daraka pag bagaw magkun, “Hintay ti may karampatan magbuul kay kula bag-u magbukas kasuratan?”

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.