Ipinakakit 4:1 - Hanunuu

¹ Bag-u tuhay maan kay ipinakakit Diyus sa kangku. Nakitan niku sa langit ti usa ka sabian mabukasan. Nadnugan maan niku ti matnug pag bagaw ga budyung kay kadaka kay tunug magkun, “Pag-atay tag kawu sa tungud hampay kang ipakakit sa kanmu ti manga bagay mangyari aban.”

Ipinakakit 4:1 Iomraidhean Croise

Pag-ighit 1:1

Inda kay manga anak lalaki ni Israil (imaw diman si Hakub) ti kaibahan niya atag sa Ihiptu, kaibahan kanda magtal-anakan:

Pag-ighit 19:24

Magkun sa kanya ti Panginuun, “Paglus-ug kawu ag daran-a sitay si Aarun. Dapat ti manga manughandug hanggan ti manga tawu unman kailangan umataytag sa kangku, dahil nu umataytag parusahan gid niku sida.”

Pag-ighit 24:12

Bag-u magkun ti Panginuun sa kan Muysis, “Pagtukad kawu ataytag sa kangku sa babaw bantud ag pag-alagad, dahil iayaw niku sa kanmu ti manga maralapi batu sinuratan niku kang kasuguan ag surundanun hampay itudlu sa manga tawu.”

Kabagawan 25:7

Mayad nu ti hari ti magsabi pagtukaw kawu siyun kaysa sabihan kawu niya danga siyun, ag mangay-a kawu sa atubangan paggalangun pag manga tawu.

Isikil 1:1

Aku si Isikil ti manughandug, kan Busi anak, ag usa aku sa manga binihag sa Babilunya. Usa ka sirang, katpung ati aku mag-uli sa saruy Sapa Kibar kaibahan ti iba manga bihag, binmukas ti langit ag sinuldan aku kamaskihan Panginuun, ag may manga ipinakakit siya sa kangku manga pangakakitun. Nangyari inda sa ikalima pag sirang katpung ikap-at pag bulan katpung ika-30 pag timpu. Ikalima inda pag timpu pagkabihag sa kan Hari Hihuyakin.

Matiyu 3:16

Pagka itinulbaw si Hisus, napatakas siya ginan sa danum bag-u nabukasan ti langit sa kanya ag nakitan ni Huwan ti Ispiritu Diyus ga histuda kalampati nagpakababa bag-u nangulian sa kan Hisus.

Markus 1:10

Pagka napatakas si Hisus ginan sa danum, kadaka nakitan niya nabukasan ti langit ag ti Ispiritu ga histuda kalampati nagpakababa atag sa kanya.

Lukas 3:21

Katpung itinulbaw ti tanan tawu, hanggan si Hisus napatulbaw diman. Pagka magdarangin waya si Hisus, nabukasan ti langit.

Huwan 16:13

Nu rumas-ug ti Ispiritu, siya ti tumudlu katutuuhanan tungkul sa Diyus, tudluan diman niya kamu sa tanan katutuuhanan ginan sa Diyus. Unman siya bumagaw nu ginan lang sa kay sadili. Ipadakit niya kay manga nadnugan ag ipaalam niya sa kanyu ti manga mangyari aban.

Binwat 10:11

bag-u nakitan niya nabukasan yi ti langit. Bag-u may ga kumut daka hinigtan kay upat ka yungu itinuntun tag sa daga.

Binwat 7:56

Sinabi ni Istiban magkun, “Mag-akitan yi niku ti langit nabukasan hanggan ti Anak Tawu matindugan baliwa sa sikun Diyus.”

Ipinakakit 1:10

Ati katpung pagka sa sirang Panginuun, sinakup aku Ispiritu Banal bag-u nadnugan niku sa kang magkaday-an may matnug pag bagaw ga budyung kay kadaka.

Ipinakakit 1:12

Nangaliwliw aku hampay bantayan niku ti magbagaw. Nakitan ngap niku may pitu ka sulu lunsay gintu.

Ipinakakit 1:19

Nakan ngani isurat nimu ti kanmu makitan, ti mangyari taynguna ag ti manga pihu mangyari waya aban.

Ipinakakit 11:12

Bag-u may nadnugan ti duwa ka purupita may binmagaw ginan sa langit magkun, “Pagsitay tag duy kamu sa langit.” Hanggan pagbantayan waya sida nida manga kalaban, ati yi tag sida sa langit dinara rurum.

Ipinakakit 11:19

Bag-u nabukasan yi ti Balay Diyus sa langit ag nakitan ti Kaban Hugut sa Kasunduan Panginuun. Bag-u nagbalagit ti kilat, nangurarug ti linti, nadnugan ti manga daraka pag ingay, naglinug bag-u nag-uran yilu daraka.

Ipinakakit 16:17

Bag-u ibinuhus maan ikapitu pag anghil kay sukad ginan sa kay pinggan malukung tag sa panungaan langit daga. May nagbagaw daka ginan sa tukawan hari ati sa Balay Diyus magkun, “Tinupad yi.”

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

Ipinakakit 22:6

Bag-u sinabi anghil sa kangku magkun, “Masarigan ag tutuu inda pag manga bagaw. Ti Panginuun Diyus, ti nag-udyuk sa naisipan manga purupita, imaw diman ti nagsugu sa kay anghil hampay ipakakit sa kay manga suruguun ti manga udyi dugay mangyari yi aban.”