Ipinakakit 3:7 - Hanunuu

⁷ “Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 3:7 Iomraidhean Croise

Hub 11:10

“Halimbawa, dakpun kawu Diyus ag darahun sa hurusayan bag-u pirisuhun, si unu ti makaampara sa kanya?

Hub 12:14

Unman may makahiwat sa kay dinaut, ag unman may makapalwas sa kay pinirisu.

Kanta 145:17

Panginuun, matadlung kawu sa tanan nimu paraan, ag matinupadun kawu sa tanan nimu pagbuwatun.

Kanta 16:10

dahil balaw nimu aku pagpabay-anan miatag sa ulian manga namatay. Balaw nimu pahintulutan marunut kanmu marig-un pag manugsirbi.

Kanta 89:18

Panginuun, Banal pag Diyus Israil, kawu ti nagpili sa kanmi hari, ag siya ti magbaliwa sa kanmi.

Isayas 22:22

Iayaw niku sa kanya ti susi sa kaharian ni Dabid. Nu bukasan niya ti sabian, balaw may makasiradu, nu kay talakpan unman may makabukas.

Isayas 30:11

Pag-ighit kamu sa kanmi lakawan, danga niyu kami pagharangi. Danga yi niyu sabihun sa kanmi ti tungkul sa Banal pag Diyus Israil.’ ”

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 41:20

hampay makitan, maalaman, ag masalman manga tawu ti nagbuwat inda aku, ti Panginuun, ti Banal pag Diyus Israil.”

Isayas 47:4

Kanta Manugribri, kay ngaran Panginuun Makamaskihan, ti Banal pag Diyus Israil.

Isayas 48:17

“Magkun ti Panginuun kanyu Manugribri, ti Banal pag Diyus Israil: Aku ti Panginuun niyu Diyus ti nagtudlu sa kanyu nu hintay ti mayad para sa kanyu, aku diman ti naggiya sa kanyu tabug sa hustu pag dalan.

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 55:5

Tawagan niyu ti balaw kaibahan niyu pag manga nasyun, ag mandaldali sida pumakarani sa kanyu, dahil aku, ti Panginuun niyu Diyus, ti Banal pag Diyus Israil, ti nagpakaun kagalangan sa kanyu.”

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Matiyu 16:19

Ipakaun niku sa kanmu ti manga susi pamukas sa kaharian sa langit. Ti kanmu ginapus sa babaw daga, gapusun diman sa langit. Ti kanmu linbadan sa babaw daga, lubadan diman waydi sa langit.”

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Markus 1:24

magkun, “Hintay kanmu pakialam sa kanmi, Hisus taga Nasarit? Nakan aw kawu nagsitay hampay kami kanmu wasakun? Nakilala kawu niku, kawu yi gid ti Banal pag sugu ginan sa Diyus.”

Lukas 1:32

May kadayawan aban siya ag ingarnan aban siya Anak Diyus Makamaskihan sa Tanan. Pakan-an siya aban Panginuun Diyus karampatan maghari ga kay ginurang diman kan Dabid.

Lukas 4:34

“Hintay kanmu pakialam sa kanmi, Hisus taga Nasarit. Nakan aw kawu nagsitay hampay kami kanmu wasakun? Nakilala kawu niku, kawu yi gid ti Banal pag sugu ginan sa Diyus.”

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Binwat 3:14

Si Hisus banal ag matadlung. Dapat kanyu ngap dinayu. Bag-u hinagad ngap niyu ti manlilibun tawu hampay siya ti ipalpas.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 16:7

Nadnugan niku may nagbagaw ginan sa surunugan manga pag-isagda sa Panginuun magkun, “Panginuun Diyus, kawu ti makamaskihan sa tanan, tutuu matadlung ngani ag kang-ud kanmu pag sintinsiya.”

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Ipinakakit 2:1

“Isurat nimu inda para sa anghil magbantay sa iglisya sa banwa Ipisu: “Inda ti magsabi imaw yi ngani ti may bitbit pitu ka pamgasan sa kay sikun pag kamang, tiglakaw sa karaw-an pitu ka sulu gintu:

Ipinakakit 21:5

Bag-u nagbagaw ti matukawan sa tukawan hari magkun, “Taynguna buwatun niku ti bag-u pag manga bagay.” Kay sinabi waya niya sa kangku magkun, “Isurat nimu pagkumun, masarigan ag tutuu inda pag manga bagaw.”

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”