Ipinakakit 3:4 - Hanunuu

⁴ Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.

Ipinakakit 3:4 Iomraidhean Croise

1 Hari 19:18

Dapat iribri niku ti 7,000 Israilita balaw linmuhud ag nan-aruk sa tinawu-tawu Baal.”

Istir 8:15

Pagka linmuwas Si Murdukyu sa balay hari, nakasulung siya rutay hari malagti ag malatuy bag-u nakakulimpay rutay linu kulay dungun, ag may kuruna gintu sa kay ulu.

Kanta 68:14

Pagka pinanwayak Diyus Makamaskihan ti manga hari, ga manga snow inda ipinayag sa Bantud Salmun.

Manugtudlu 9:8

Pag may kabayaan ag pagmasulung kawu pirmi.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Matiyu 10:11

“Una naan pag banwa hanggan baryu kamu pag umaput, pagligaw kamu kanyu mayad pag ras-ugan pag tawu. Siti kamu pag mangulian pag balay hanggan sa udwaya kamu umighit siyun ginan pag rugar.

Markus 16:5

Pagka sinmulud sida sa tinaguktukan batu, nakitan nida may matukawan baliwa sa sikun usa ka kan-akan may sulung rutay sadsad malagti. Naglingut gid ti manga babayi.

Lukas 20:35

Dapat tunda pag manga tawu ti pinakan-an Diyus karampatan hampay makalakaw sa pagkabuhi uman ginan sa kamatayan ag makaaput sa bag-u buhi, sida udyi umasawa udyi paasawan-un.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

Hudas 1:23

Ti iba bawia niyu ga ginan sa apuy. Ti iba kaawai diman waydi niyu, dapat ay lang pagmaaman kamu barang kamu mamaliwan waydi nida kayagtingan. Una kanda manga rutay namaliwan yi kahalayan.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.

Ipinakakit 14:4

Inda ti manga lalaki unman niamut sa manga babayi, unman sida nag-asawa. Magkuyug sida sa Anak Karanidu una naan tag siya. Linukat sida ginan sa tanan linahi tawu bilang ga un-an pakaun sa Diyus ag sa Anak Karanidu.

Ipinakakit 19:14

Nagdasun sa kay uryan ti kagadhan manga anghil ginan sa langit, nakasulung sida rutay manga malagti unman may uring, manga masakyan diman sida sa manga kabayu malagti.

Ipinakakit 19:8

Alistu yi kay aguman babayi. Ipinakaun Diyus sa kanya ti karampatan hampay makasulung rutay unman may uring, malagti gid masyadu.” Tunda pag rutay malagti kay ibug sabihun ti matadlung pag buwat manga tawu napasakup sa Diyus.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 6:11

Pinakan-an sida rutay malagti ti kada usa sa kanda. Bag-u sinabihan sida pag-alagadlagad waya diit pag udas hanggan sa udwaya mahustu ti bilang nida manga patar-ari hanggan manga kaibahan magsirbi sa kan Kiristu matyun diman parihu waydi ga kanda.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.