Ipinakakit 3:1 - Hanunuu

¹ “Isurat nimu inda para sa anghil magbantay sa iglisya sa banwa Sardis: “Inda ti magsabi imaw yi ngani ti may pitu ka Ispiritu Diyus hanggan pitu ka pamgasan: Alam diman waydi niku kanmu pagbuwatun. Nu sa magbantay manga tawu kawu buhi dapat nu sa ungud kawu ga tigbak yi.

Ipinakakit 3:1 Iomraidhean Croise

Lukas 15:24

Dahil sitay kang anak tigbak, dapat nabuhi uman. Kabag-u nadura, dapat nakitan maan.’ Nakan nagbaya gid sida.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Huwan 1:16

Unman may kinatabwanan ti kaayadan kay ipinapalad sa kanta dahil sa kay lubus mayad nabubut-un.

Huwan 1:33

Ati katpung udwaya nakilala niku siya. Dapat Diyus ti nagsugu sa kangku hampay magtulbaw sa danum, imaw diman ti nagsabi sa kangku magkun, ‘Makitan nimu aban ti Ispiritu magpakababa tag sa usa ka tawu hampay mangulian sa kanya. Tunda yi ngani pag tawu imaw ti tumulbaw sa manga tawu sa Ispiritu Banal.’ ”

Huwan 20:22

Pagka sinabi niya tunda, kay inarupan niya sida bag-u magkun siya, “Tanggapa niyu ti Ispiritu Banal.

Huwan 3:34

Ti sinugu Diyus imaw tig barita manga bagaw ginan sa Diyus dahil pag-ilubus Diyus kay Ispiritu sa kanya.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

1 Timutiyu 5:6

Dapat ti buranday nu mag-ugali sa parabayain, isipa yi lang siya ga namatay.

Santiyagu 2:26

Tigbak ti bilug nu udyi may arup. Katunda diman waydi ga tigbak ti pagsarig nu unman may patapil manga buwat.

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:16

Sa kay sikun may bitbit siya pitu ka pamgasan. Magluwang sa kay bibig ti usa ka baladaw matarum baliw-baliw may urup. Masilaw kay uyahun ga singgit init sa karaw-an sirang kay kasilaw.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 2:19

Alam niku duy kanmu pagbuwatun, kanmu pagmahal, kanmu pagsarig, kanmu pagsirbi hanggan pagtiis. Alam niku kanmu buwat mayad taynguna balaw lang ga kaybi.

Ipinakakit 2:2

Alam niku kanmu manga binwat kuntay balaw paghabulun nimu kanmu budlay bagkus ngap pag-agwantahun lang nimu. Alam diman niku pagsukuan nimu ti manga magbuwat daut. Sinuyasid diman nimu ti manga magpabalhinguun kuntay sida manga apustul bag-u nakitan nimu sida manga pudilun maaw.

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.

Ipinakakit 3:15

Alam niku kanmu manga pagbuwatun. Alam niku unman kawu maramig, unman diman mainit. Mahal mana nu kawu maramig una mainit.

Ipinakakit 3:2

Pag-imata yi kawu, kabisug maan kanmu manga buwat mayad nasawad waya sa kanmu hampay balaw dumayun mamatay. Nakitan niku udwaya kang-ud ti manga nabuwat nimu sa atubangan niku Diyus.

Ipinakakit 3:8

Alam niku kanmu manga buwat. Binukasan niku ti usa ka sabian sa kanmu katpungan. Unman may makasiradu tunda pag sabian. Alam niku diit diit lang kanmu kaya dapat sinunud nimu kang itinudlu ag unman nimu ipinaulam kanmu pagsarig sa kangku.

Ipinakakit 4:5

Ginan sa tukawan hari magluwang ti manga kilat, ti manga linti hanggan magkurarug. Sa atubangan tukawan hari may pitu ka sulu magduag. Inda imaw ti pitu ka Ispiritu Diyus.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.