Ipinakakit 22:2 - Hanunuu

² Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.

Ipinakakit 22:2 Iomraidhean Croise

Gimpuunan 2:9

Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kabagawan 3:18

Mapalad ti tawu may kadunungan; ti kadunungan ikaayad ag ikalawig niya buhi.

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Hirimyas 17:14

Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Isikil 47:1

Bag-u dinara aku tawu pabalik sa may sabian Balay Diyus, ag ati may nakitan aku danum magbulus atabug sa butlakan ginan sa sirung sabian Balay Diyus. (Ti Balay Diyus maatubangan sa butlakan.) Bag-u linmiku ti danum pasikun, sa kanaway baliwa harandugan.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Sakaryas 14:8

Sa ati diman pag sirang, bumulus ti malindag pag danum ginan sa Hirusalim. Kay katunga inda bumulus sa Dagat Namatay ag kay katunga sa Dagat Miditiranyu. Parargu inda kay magbulus sa panahun turungun hanggan abagat.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 21:21

Batu sa manlut ti binwat kay sampulu may duwa ka puwirtahan. Tigus-a ka batu sa manlut kang-ud sa kada puwirtahan. Ti karsada sa sulud banwa lunsay yi gintu, masnag parihu sa bubug.

Ipinakakit 21:24

Ginan sa rayaw banwa pag marayawan ti tanan nasyun tawu. Ati diman tag pag daran-un manga hari sa babaw daga kanda kayamanan.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 22:19

Nu may tawu magbawas sa manga bagaw ipinurupita nisurat sitay pag ribru, bul-an diman siya Diyus karampatan sa manga nisurat sitay pag ribru. Dayu siya makakaun burak kayu kabuhian, dayu waydi siya makasulud sa Banal pag Banwa.