Ipinakakit 21:4 - Hanunuu

⁴ Payidun niya ti manga luwa tanan tawu, udyi may kamatayan, una kakurian, udyi may maglumi, udyi waydi may sakit. Dahil naparaw yi ti daan pag manga kabagayan.”

Ipinakakit 21:4 Iomraidhean Croise

Kanta 144:4

Parihu diman siya sa durus maglawuy ag kay manga sirang ga aninu mabisug lang magkadura.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 60:20

Aku kanmu pinagka-init hanggan bulan balaw misalup hanggan aban. Ag madura yi kanmu manga aragwantahun.

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Hirimyas 31:13

Nu katida, kanda manga daraga hanggan manga kan-akan ag manga gurangun manayaw sa kabayaan. Ilisan niku kabayaan kanda maglulumian. Sa halip manrukuan sida, pakan-an ngap niku sida kasulungan.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

1 Kurintu 15:26

Taluhun diman niya aban ti nasawad pag kalaban imaw ngani ti kamatayan.

1 Kurintu 7:31

Ti manga magpayaman sitay sa babaw daga, pagga unman diman subra kanda kasukatan. Dahil ti manga kabagayan sitay sa babaw daga may katapusan.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 6:17

Nakan ngani pagpakarayu kamu ginan sa kanda, pagpablag kamu ginan sa kanda. Magkun ti Panginuun, danga kamu maggaraw sa una hintay pag mayagting hampay kamu kang tanggapun.”

Hibriyu 12:27

Pagka kay sinabi magkun, “kas-a waya,” kay ibug sabihun ti manga natandug pag manga linalang Diyus bul-un yi niya aban. Ti unman matandug balaw ngap duraun.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

1 Huwan 2:17

Ti kalibutan hanggan ti manga magkakinabangan ginan sa kalibutan may kaduraan diman. Dapat ti magtupad sa kagustuhan Diyus may tutuu yi gid pag buhi unman may katapusan.

Ipinakakit 20:13

Idinagsa dagat ti manga namatay siyun. Ipinalwang kamatayan hanggan ulian manga karadwa ti manga tawu namatay ag iinintirga siyun. Pinila ti manga matadlung ginan sa manga balaw matadlung angay sa kanda manga binwat.

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.

Ipinakakit 21:1

Bag-u nakitan niku may bag-u pag langit hanggan may bag-u pag daga. Naparaw yi ti daan pag langit hanggan daan pag daga, naparaw yi waydi hanggan ti dagat.

Ipinakakit 22:3

Naparaw yi ati una hintay pag isinaad Diyus. Siyun gid sa banwa kay tukawan Diyus hanggan Anak Karanidu. Magsirbi sa kanya kay manga suruguun.

Ipinakakit 7:17

Dahil ti Anak Karanidu sa karaw-an tukawan hari tig-alaga sa kanda. Sida ibahan niya sa manga bulbugan gimpuunan buhi. Payidan Diyus kanda luwa sa kanda manga mata.”