Ipinakakit 20:2 - Hanunuu

² Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.

Ipinakakit 20:2 Iomraidhean Croise

Gimpuunan 3:1

Sa tanan pag hayup linalang Panginuun Diyus, ti ulay ti pinakamadaya. Ati katpung, nagpaingana ti ulay sa babayi, “Ungud aw duy pag-irangan kamu Diyus magkaun una hintay pag burak kayu sa halamanan?”

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Hub 1:7

Magkun ti Panginuun sa kan Satanas, “Naan ginan kawu?” Sinmagut si Satanas, “Mapalibutan sa buu kalibutan.”

Isayas 24:22

Mirinsanan sida ilagpak sa kali parihu sa manga pirisu. Pirisuhun sida bag-u parusahan.

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isikil 47:5

Nagsukat waya gid siya manga 1,700 ka luk-an siku, dapat unman yi niku inda madipay dahil masyadu yi abasad ti danum sa sapa. Kailangan yi inda languyun.

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Matiyu 8:29

Nagringgit sida magkun, “Hintay kanmu labut sa kanmi, kawu pag Anak Diyus? Nagsitay aw lugud kawu hampay kami kanmu pakurian una udwaya udas sintinsiya?”

Markus 4:15

Tunda yi ngani manga sa saruy dalan imaw ti manga manugpatingi. Pagka ipinamgas ti Bagaw sa kanda manga tagipusuun ag kanda napatingihan, kadaka nagras-ug si Satanas, pagpalimutun niya ti Bagaw Diyus ipinamgas sa kanda manga tagipusuun.

Markus 5:7

Kay irininggit daka magkun, “Hintay kanmu labut sa kangku, Hisus, kawu ti Anak Diyus makamaskihan sa tanan. Alang alang sa Diyus, danga pakurian nimu aku.”

Huwan 12:31

Taynguna yi ti kaudasan hampay pihuun Diyus ti manga tawu sa babaw daga nu daut nu mayad. Taynguna tulakun yi tag sa luwas ti pangulu inda pag kalibutan.

Huwan 16:11

Ipakakit diman niya sa kanda ti Diyus sumintinsiya sa kanda, dahil nasintinsiyahan yi si Satanas imaw ti maghari sa kalibutan.

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

Hibriyu 2:14

Tawu ngani tunda kay pagkumnun manga anak, nakan si Hisus nabilug diman tawu may nayi may dugu ga kanda diman may nayi may dugu. Nakan katida kay binwat, hampay sa kay pagkamatay mamapas siya sa diyablu, sa may kapangyarihan sa kamatayan,

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.

Ipinakakit 12:13

Pagka nakitan daragun siya ayinmut sa daga, inusig niya ti babayi ti nanganak usa ka lalaki.

Ipinakakit 12:15

Nakan nagbuga ti ulay danum nagbaliw sapa hampay mianud ti babayi.

Ipinakakit 12:17

Mahigpit yi kay galit daragun sa babayi nakan pinamharingan niya kay nasawad linahi babayi hampay girahun. Imaw yi pag manga tawu ti magsunud sa kay sugu Diyus, manga balaw magbul-iw sa katutuuhanan ipinakilala ni Hisus.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:2

Ti hayup malangas parihu ga liyupardu pag hayup kay histuda, may manga lulud parihu ga lulud usu pag hayup. May bibig bilang ga bibig liyun. Ipinakaun daragun sa hayup malangas kay sadili pag kapangyarihan, kay pagkahari hanggan kay daka gid pag karampatan.

Ipinakakit 13:4

Ti tanan tawu nagsamba sa daragun, dahil ipinakaun niya kay karampatan sa hayup malangas. Sinambahan nida hanggan ti hayup malangas, dinayaw nida magkun, “Hintay ti makatulad sa hayup malangas, si unu ti makalaban sa kanya?”

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.

Ipinakakit 20:7

Nu makalawuy ti usa ka libu ka timpu, palpasan maan si Satanas ginan sa kay pirisuhan.

Ipinakakit 9:11

Ti anghil tigbantay sa kaabadbasadan imaw kanda hari. Sa bagaw Hibriyu kay ngaran Abadun, nu sa bagaw Giriyigu kay ngaran Apulyun, kay kahulugan pag ngaran manugdaut.