Ipinakakit 2:9 - Hanunuu

⁹ Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.

Ipinakakit 2:9 Iomraidhean Croise

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Lukas 12:21

Magkun si Hisus, “Katunda ngani ti mangyari sa tawu nu magpakatipun kayamanan sa kay lang sadili bag-u nu sa kay magbantay Diyus ga pugri lang pag tawu.”

Lukas 22:65

Mayamu waya ti sinabi nida pag lapastangan sa kanya ag minuransa waya nida.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Lukas 6:20

Nagbantay si Hisus sa kay manga tuludluan, bag-u sinabi niya magkun, “Papaladan Diyus kamu pag manga pugri, dahil kamu pagharian Diyus.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 2:17

Dapat pagsabihun nimu kawu Hudiyu magpaniwala sa Kasuguan ni Muysis, kanmu pag-ipadayaw-dayaw kanmu pakiusa sa Diyus.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

Ruma 8:35

Si unu waya ti bumulag sa kanta ginan sa pagmahal ni Kiristu? Ti kakurian aw, ti pag-unuunu aw, ti lun-us aw, ngatay nu kurang yi ti panulung, kadilikaduhan aw, ngatay nu maayangan yi aw ti baladaw?

Ruma 9:6

Balaw sa nitugka lang ti Bagaw Diyus. Dahil balaw waydi ti tanan manga linahi Israil niminsan sa kay pinili Diyus pag nasyun.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

2 Kurintu 8:2

Nakalakaw sida masyadu pag kakurian, imaw ti mahigpit pagsubuk sa kanda. Madi sida masyadu pugri, sa daka nida pag kabayaan bukas kanda nalub-anan sa kanda magpakaun.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

1 Tisalunika 3:4

Dahil pagka kami asan waya, ipinaalam yi nimi daan sa kanyu pihu kita may malakawan kakurian, ag nangyari ngap ngani kainda.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

1 Timutiyu 6:18

Sabihi nimu sida pagbuwat mayad, pagpakayaman sida sa mayad pag buwat. Pagmarapakaun, pagmaraawat sida sa kaparihu tawu.

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 2:2

Alam niku kanmu manga binwat kuntay balaw paghabulun nimu kanmu budlay bagkus ngap pag-agwantahun lang nimu. Alam diman niku pagsukuan nimu ti manga magbuwat daut. Sinuyasid diman nimu ti manga magpabalhinguun kuntay sida manga apustul bag-u nakitan nimu sida manga pudilun maaw.

Ipinakakit 2:24

“Dapat may pagsabihun waya aku sa kanyu sa manga iba taga Tiyatira, sa manga unman nagsunud sa kay daut pag tudlu ni Hisibil ag unman nagdunung sa kanda pagkumnun manga madalum pag tudlu ni Satanas. Balaw yi pakan-an niku kamu ga manga mabuyat pag paras-anun.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.