Ipinakakit 2:5 - Hanunuu

⁵ Pag-isipa duy nu kabitay kay abwat kanmu kinalagpakan. Ampui yi nimu ti manga buwat nimu daut, baliki maan nimu kanmu mayad pag manga buwat kaybi. Nu unman kanmu tayakan kanmu buwat daut, asan tag aku, bul-un niku kanmu sulu ginan sa kay palaulian.

Ipinakakit 2:5 Iomraidhean Croise

Isayas 1:26

Utru maan pakan-an niku kamu manga takinan hanggan manga manugpaanyu ga kaybi. Kanyu banwa ingarnan ‘Banwa manga Matadlung ag Matinupadun pag manga Tawu.’ ”

Isayas 14:12

“Nalagpak kawu ginan sa langit, imaw ti pag-ingarnan Kuramnag sa Surip, Anak Magbutlak-init. Ipinakababa kawu sa daga, kawu ti nagpaampu sa manga nasyun.

Isikil 20:43

Ag ati maalala niyu kanyu manga binwat nakapa-uring sa kanyu, ag kadat-an niyu kanyu sadili dahil sa tanan niyu daut pag manga binwat.

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 9:10

Magkun ti Panginuun, “Manga taga Israil, katpung pinili niku kanyu manga ginurang bilang kang nasakupan, nagbaya gid aku. Parihu sa tawu nagbaya pagka nakakit siya ubas magtubu sa tigangan ngatay pagka nakakit siya un-an pag burak igus. Dapat pagka nag-atag sida sa Baal Piyur, inintirga nida kanda sadili sa makakaray-a pag diyus-diyusan ag niparihu sida sa manga mayagting pag diyus-diyusan kanda pagmahalun.

Malakyas 3:4

Nakan makabaya yi ti Panginuun sa manga handug nasakupan Huda ag Hirusalim, parihu sa kabag-u.

Malakyas 4:6

Ibalik niya ti mayad pag pagkarausa manga gurang ag manga anak, hampay sa pagras-ug niku balaw niku saadan kanyu daga.”

Matiyu 5:14

“Kamu ti ga sulu sa kalibutan. Ti banwa nu nikana sa babaw bantud balaw mitagu.

Matiyu 5:15

Unman may nagsulu sulul-an bag-u ipauli sa sirung salupan, nu unman sa kay gid palaulian sulul-an hampay marayawan ti tanan tawu sa sulud balay.

Markus 12:9

“Hintay nguna ti buwatun may apu ubasan? Atihan niya hampay tunda pag manga manugtarabahu kay matyun bag-u iintirga maan sa manga iba kay ubasan.

Lukas 1:17

Umuna siya sa Panginuun parihu ga kan Ilyas diman dahil sa kapangyarihan Ispiritu Banal. Pabalikun niya ti naisipan manga gurangun sa ikaayad nida manga anak. Tudluan niya ti manga makasalanan agud sida madunung magtupad sa kagustuhan Diyus. Ialistu niya para sa Panginuun usa ka nasyun handa yi.”

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Galasya 5:4

Nu kamu magkaibug pagkilalan-un Diyus kuntay kamu matadlung dahil sa kanyu magtupad sa Kasuguan, binmulag yi ngap kamu sa kan Kiristu, udyi matanggap niyu kay pakaun kaayadan Diyus.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

Hibriyu 10:32

Alalahanun niyu ti manga nangyari kaybi pagka kamu linmakaw yi sa karayawan Panginuun. Ati katpung mahigpit pag kakurian kanyu tiniisan dapat unman kamu nagpatalu.

2 Pidru 3:17

Taynguna duy manga patar-ari, alam yi niyu kailangan kamu pagmaingat barang kamu patalangun manga daut pag tawu kanda tudlu unman may katutuuhanan. Nu katunda kamu marig-un di, dayu gid mapuil.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 16:9

Napalian ngani sida masyadu pag init, dapat sinaadan waya nida kay ngaran Diyus madi siya ngap ti may kamaskihan magpadara katunda pag manga kahigpitan. Unman nag-ampu sida sa kanda manga kasalanan ag unman diman waydi nagdayaw sida sa Diyus.

Ipinakakit 2:16

Nakan ngani ampui nimu kanmu manga kasalanan. Nu unman iampu nimu kanmu manga kasalanan asan tag yi aku sa kanmu balaw yi dugay bag-u lipulun niku tunda pag manga tawu, tigbasun niku baladaw magluwang ginan sa kang bibig.

Ipinakakit 2:19

Alam niku duy kanmu pagbuwatun, kanmu pagmahal, kanmu pagsarig, kanmu pagsirbi hanggan pagtiis. Alam niku kanmu buwat mayad taynguna balaw lang ga kaybi.

Ipinakakit 2:2

Alam niku kanmu manga binwat kuntay balaw paghabulun nimu kanmu budlay bagkus ngap pag-agwantahun lang nimu. Alam diman niku pagsukuan nimu ti manga magbuwat daut. Sinuyasid diman nimu ti manga magpabalhinguun kuntay sida manga apustul bag-u nakitan nimu sida manga pudilun maaw.

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.