Ipinakakit 2:3 - Hanunuu

³ Alam diman waydi niku mabinatahun kawu, nag-agwanta sa mayamu kakurian dahil sa kanmu magpasakup sa kangku ag balaw nanlubay kanmu pagsarig.

Ipinakakit 2:3 Iomraidhean Croise

Kanta 37:7

Pagpakabuut kawu sa atubangan Panginuun ag pag-alagad mainagwantahun sa kay buwatun. Danga kawu magkasamuk sa manga tawu may kaabundahan, marapanalu sa kanda daut pag manga gayak.

Kanta 69:7

Dahil sa kanmu pagsurugun ag pagpakay-ahun aku.

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Markus 15:21

May nasulang sida usa ka tawu ginan sa kay tanman, si Simun taga Sirini, kay ama nida ni Alihanduru ni Rupu. Ipinalugus nida ipinas-an sa kanya kay kurus ni Hisus.

Lukas 14:27

Nu ti tawu unman magpas-an kay sadili pag kurus ag kumuyug sa kangku, balaw mahimu tuludluan niku.

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 21:19

Nu kamu magpakarig-un, makatanggap kamu buhi unman may katapusan.”

Lukas 5:5

Nagsagut si Simun magkun, “Maisturu, usa ka yabi kanmi pabudlay unman may nablay kami. Dapat dahil sa kanmu bagaw ilagpak niku ti manga sarap.”

Lukas 8:15

Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Huwan 15:21

Pagkadat-an nida kamu dahil kamu napasakup sa kangku ag unman nakilala nida ti Ama ti nagsugu sa kangku.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 16:12

Ipadakit niyu kang kamusta sa kanda ni Tiripina, ni Tiripusa, masipag sida sa buruwatun Panginuun. Katunda diman hanggan sa kan Pirsida, sa kang pagbayaun pag patar-ari. Mayamu kay binwat sa Panginuun.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 8:25

Dapat nu mag-asa kita sa udwaya nita mag-akitan, pihu kita manga matiniisun.

1 Kurintu 13:7

Tanan kay pag-agwantahun, tanan kay pagpaniwalaan, tanan kay pag-asahan, tanan kay pagtiisun.

1 Kurintu 16:16

paghuwad kamu sa katunda pag manga tawu, hanggan sa kada usa magtarabahu ag magsirbi kaibahan nida.

2 Kurintu 10:15

Balaw kami magpadayaw subra, unman diman kami magpadayaw sa manga iba tawu pag kinabudlayan. Magsarig kami rumig-un waya kanyu pagsarig agud dumaka gid waydi kanmi buruwatun asan sa kanyu dapat balaw kami lumakdang sa kanmi katugkaan.

2 Kurintu 11:23

Sida aw manga suruguun ni Kiristu? Magbagaw aku ga usa ka paung-paung, dapat aku lalu man mayad pag suruguun ni Kiristu balaw lang ga kanda. Subra man sa kanda kang nagbudlay, balaw lang pira ka pag-ulit aku napirisu, lagat-lagat paglipgutun, pirmi arani yi sa kamatayan.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

2 Kurintu 4:16

Nakan ngani kami balaw magpalumuyun sa kanmi naisipan. Una amat-amat maglumuy yi kanmi bilug, mag-amat di ngap magbisug kanmi tagipusuun.

2 Kurintu 5:9

Dapat ay una sa inda pag ulian, una ati sa langit pag ulian, ti pinakamahalaga sa kanmi nu pagbayaun kami Diyus.

2 Kurintu 6:5

Ginaruti kami ag pinirisu, kanmi yi nalakawan ti kaguluhan, ti masyadu pag manga tarabahu, ti unman magkaturug usa ka yabi hanggan ti unman magkaun una pira ka sirang.

Galasya 6:2

Pag-arawatan kamu nu may mabuyat pag dararan-un. Nu katunda kanyu buwatun, matupad niyu ti sugu ni Kiristu.

Galasya 6:9

Nakan ngani danga kita magsuku sa magbuwat mayad. Nu sa kay yi kaudasan aban, kita makaani nu unman kita magsuku.

Pilipus 2:16

Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

Pilipus 4:3

Ag kawu duy usa ka mayad pag kaawat niku, kang pagsabihan diman kawu, awati nimu asan pag manga babayi hampay udyi sida mag-arawayan. Dahil manga masipag diman waydi sida kaibahan niku sa magpadakit Mayad pag Barita. Nagkarausa diman sida sa buruwatun tabug sa kan Kaluminti hanggan sa tanan niku pag manga kaibahan sa tarabahu. Kanda manga ngaran nisurat sa listahan pag ribru. Ati pag ilinista ti manga ngaran tawu pinakan-an buhi unman may katapusan.

Kulusas 1:11

Pag-idarangin diman nimi kamu hampay kay daka gid pag kamaskihan Diyus ti pumarig-un sa kanyu, hampay masulung di gid kamu mag-agwanta sa tanan kakurian,

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

1 Tisalunika 2:9

Pihu udwaya nalimtan niyu, manga patar-ari, nu kabitay kami nagbudlay sa tarabahu sirang yabi hampay kami unman magpakuri sa una hintay sa kanyu, sa kanmi magtudlu Mayad pag Barita Diyus sa kanyu.

1 Tisalunika 5:12

Kami mana magpaanyu waya sa kanyu, manga patar-ari, galanga niyu ti manga magpangabudlay dahil sa kanyu, ti manga pinili Diyus hampay sida ti manugpatigayun ag manugtudlu sa kanyu.

2 Tisalunika 3:13

Manga patar-ari, danga kamu umampu sa magbuwat mayad.

2 Tisalunika 3:5

Kamu kang di pag-idarangin hampay giyahan di Panginuun atabug sa mas lalu waya daka pagmahal sa Diyus hanggan sa karig-unan sa kan Kiristu.

2 Tisalunika 3:8

Unman kami nagtanggap una sa kantapu gin pag bagay, nu unman binayadan nimi. Una yabi una sirang kami nagbudlay nagtarabahu di hampay unman magpasagpun una sa kantapu sa kanyu.

1 Timutiyu 4:10

Nakan kita magpakasipag sa buruwatun una makuri, dahil mag-asa kita sa Diyus buhi, sa Manugribri tanan tawu, lalu sa manga magsarig sa kanya.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

Hibriyu 10:36

Kailangan kamu pagmatiniisun, hampay matupad niyu ti kagustuhan Diyus, agud matanggap niyu kay itinaratu.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Hibriyu 13:13

Nakan pag-ati ngani kita sa kanya, sa luwas kabalayan. Pagtiis kita una surugun ga kanya diman nagtiis.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Hibriyu 6:12

Nakan danga kamu magbugya. Huwada ngap niyu ti manga matiniisun sa kanda magsarig sa Diyus dahil sida ngani tigtanggap sa kay itinaratu Diyus.

Hibriyu 6:15

Nakan ngani pagka nagtiis sa alagad si Abraham, tinanggap niya ti itinaratu Diyus.

2 Pidru 1:6

ti kaalaman dugangan niyu pagpigil sa sadili, ti pagpigil sa sadili dugangan niyu karig-unan, ti karig-unan dugangan niyu magpasakup sa Diyus,

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.