Ipinakakit 2:10 - Hanunuu

¹⁰ Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.

Ipinakakit 2:10 Iomraidhean Croise

Kanta 31:23

Mahala niyu ti Panginuun, kamu kay matinupadun pag nasakupan. Pag-alagaan Panginuun ti manga matinupadun sa kanya, dapat pagparusahan gid niya lubus ti manga marapadayaw-dayaw.

Karukuan 3:57

Nagras-ug kawu pagka magtawag aku sa kanmu, ag magsabi kawu danga aku magkadala.

Danyil 1:12

“Malu, subuki niyu kami pakan-i lang upi ag painmi danum sa sulud sampulu ka sirang.

Danyil 1:14

Nakan nagpasnu siya ag sinubukan sida sa sulud sampulu ka sirang.

Habakuk 2:3

Suratan dapu nimu inda dahil balaw waya magras-ug kay kaudasan mangyari inda. Dapat pihu gid mangyari inda udyi dumugay ag balaw pumalya. Nu dumugay waya alagda lang ngalay, dahil pihu gid mangyari inda sa kay kaudasan.

Matiyu 10:22

Kagalitan aban kamu tanan tawu dahil sa kanyu pakiusa sa kangku. Dapat tigpakarig-un hanggan tugka sa katapusan imaw ti maribri.

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Matiyu 24:13

Dapat tigpakarig-un hanggan tugka sa katapusan imaw ti maribri.

Markus 13:13

Kagalitan kamu tanan tawu dahil sa kanyu pakiusa sa kangku. Dapat tigpakarig-un hanggan tugka sa katapusan imaw ti maribri.”

Markus 8:35

Dahil ti tawu nu magkaibug magpakalawig kay kinabuhi, maduraan ngap siya buhi. Dapat ay una hintay pag tawu ti nabul-an kay kinabuhi dahil sa Mayad pag Barita, ribri yi siya.

Lukas 21:12

“Dapat bag-u mangyari tunda, dakpun kamu ag unu-unuhun bistahun kamu sa simbahan manga Hudiyu bag-u pirisuhun. Daran-un kamu sa atubangan manga hari, manga gubirnadur dahil sa kanyu pakiusa sa kangku.

Huwan 12:25

Nu pagpahalgaan tawu kay sadili buhi, maduraan ngap siya buhi. Dapat nu unman pagpahalgaan tawu kay buhi sitay sa babaw daga, dayu ngap siya maduraan buhi hanggan aban.

Huwan 13:2

Ati katpung si Hisus hanggan kay manga tuludluan magyapun. Daan inudyukan diyablu si Hudas, kan Simun Iskariyuti anak, hampay pumakampi siya sa kay kalaban ni Hisus agud siya kay itudlu sa kanda.

Huwan 13:27

Pagka nagamit ni Hudas ti tinapay, susun inapuan siya ni Satanas. Bag-u kan Hisus sinabi sa kan Hudas magkun, “Ti kanmu buwatun, buwata yi nimu kadali.”

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

1 Kurintu 9:25

Ti tanan manga magpaanad sa mag-urunahan, mapinigilun sa kanda tanan kagustuhan hampay makatanggap sida pirimyu madi balaw dugay magkadaut tunda pag pirimyu. Dapat kanta paghangadun pag pirimyu tunda unman may kadautan hanggan aban.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 13:2

Ti hayup malangas parihu ga liyupardu pag hayup kay histuda, may manga lulud parihu ga lulud usu pag hayup. May bibig bilang ga bibig liyun. Ipinakaun daragun sa hayup malangas kay sadili pag kapangyarihan, kay pagkahari hanggan kay daka gid pag karampatan.

Ipinakakit 13:7

Pinahintulutan diman siya hampay girahun taluhun ti manga napasakup sa Diyus. Pinakan-an siya karampatan mamahala sa kada linahi, sa kada kalasi tawu, sa kada pamagaw, sa kada nasyun tawu.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.