Ipinakakit 19:6 - Hanunuu

⁶ Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 19:6 Iomraidhean Croise

Hub 40:9

Makapangyarihan aw lugud kawu parihu sa kangku? Mangurarug aw lugud kanmu busis parihu sa kangku?

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Kanta 47:7

Dahil ti Diyus imaw ti hari sa buu kalibutan. Dayawa niyu siya sa panab-anan manga kanta.

Kanta 77:18

Nasaydan ti linti sa manga bagyu; ti manga kilat nanrayaw sa kalibutan; ag natandug ti kalibutan.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Kanta 97:1

Maghari ti Panginuun! Nakan pagbaya ti kalibutan, hanggan yi ti manga puru.

Kanta 97:12

Kamu pag manga matadlung, pagbaya kamu dahil sa binwat Panginuun sa kanyu. Dayawa niyu siya bilang pag alaala nu kabitay siya ka banal.

Kanta 99:1

Maghari ti Panginuun, matukawan sa tukawan hari sa karaw-an manga kirubin. Nakan takigan sa kadalaan ti manga tawu ag matandug ti kalibutan.

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Hirimyas 51:48

Ag nu mangyari tida, manhuyaw sa kabayaan ti langit ag ti daga hanggan ti tanan atay dahil sa pagkawayak Babilunya. Dahil girahun inda manga manugwayak ginan sa kanaway. Aku, ti Panginuun, ti magsabi inda.

Isikil 1:24

Nu maglakaw ngani ti buhi pag manga linalang, kay ingay kanda manga pakpak parihu sa paywas danum, ngatay parihu sa busis Makamaskihan Diyus, ngatay parihu sa iringayan mayamu manga sundalu. Ag nu magpat-ung sida, pag-ikiyum nida kanda manga pakpak.

Isikil 43:2

Ag ati nakitan niku ti kadayawan Diyus Israil magras-ug ginan sa butlakan. Kay tunug niya pagras-ug ga magpaywas danum mabaskug, ag ti daga magkarayawan niya kadayawan.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Ipinakakit 1:15

Magsinglaw kay manga lulud ga galang udyi may lakut, ipinalakaw yi sa apuy, pinakintab. Kay magbagaw ga danum magpaywas sa sapa.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 12:10

Bag-u nadnugan niku may magbagaw daka sa langit magkun, “Taynguna niburayhaw yi kay pagribri nita Diyus sa manga tawu, hanggan kay kapangyarihan hanggan kay maghari. Niburayhaw yi waydi ti karampatan niya Pinili Manugribri pag Hari. Dahil iyinmut yi ginan sa langit ti manugsumbung, imaw tigpakasumbung sirang yabi sa kanta manga patar-ari sa atubangan nita Diyus.

Ipinakakit 14:2

Nadnugan niku may mag-ingay ginan sa langit kay tunug ga danum magpaywas sa puru, ga magranranug linti. Ti kang nadnugan ga magtimpara manga manuggitara.

Ipinakakit 19:1

Bag-u nadnugan niku bilang may nagbagaw mayamu gid tawu sa langit magkun, “Dayawun ti Panginuun! Diyus ti gimpuunan karibrihan, kadayawan hanggan kamaskihan.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 21:22

Unman may nakitan aku Balay Diyus sa banwa. Dahil ti Panginuun Diyus makamaskihan sa tanan hanggan ti Anak Karanidu imaw ti pinakasimbahan ati.

Ipinakakit 4:5

Ginan sa tukawan hari magluwang ti manga kilat, ti manga linti hanggan magkurarug. Sa atubangan tukawan hari may pitu ka sulu magduag. Inda imaw ti pitu ka Ispiritu Diyus.

Ipinakakit 6:1

Bag-u nakitan niku binukasan yi Anak Karanidu ti usa ka kula, bag-u nadnugan niku ti usa sa upat ka linalang may buhi nagbagaw ga linti kay kadaka kay tunug magkun, “Abala kawu.”

Ipinakakit 8:5

Bag-u nagbuul ti anghil manga baga ginan sa turuuban, isinukad niya sa sukadan kamangyan bag-u kay ayinmut tag sa babaw daga. Bigla naglinti nanlilitikan, inmingay, kinmilat bag-u linminug.