Ipinakakit 19:4 - Hanunuu

⁴ Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 19:4 Iomraidhean Croise

1 Krunika 16:36

Pagdayawun ti Panginuun, ti Diyus Israil, sa unman may katapusan.” Bag-u nagsagut ti tanan pag nasakupan, “Amin.” Ag nagdayaw sida sa Panginuun.

Nihimyas 5:13

Ipinagpag niku kang kulimpay sa kang awak bag-u magkun, “Kainda mana ti buwatun Diyus sa kanyu balay hanggan kasiyunan nu unman niyu tupadun kanyu itinaratu. Mana duraun niya inda tanan sa kanyu.” Ti tanan tawu ati nagsagut, “Katida yi ngap!” Bag-u dinayaw nida ti Panginuun. Ag tinupad manga takinan hanggan manga may kangaranan kanda itinaratu.

Nihimyas 8:6

Dinayaw ni Isra ti Panginuun, ti makamaskihan pag Diyus! Bag-u sinmagut ti manga tawu, “Amin! Amin!” habang pag-ipaabwat nida kanda kamang. Bag-u nanluhud sida ag nagsamba sa Panginuun.

Kanta 104:35

dapat ti manga daut ag makasalanan rurisun sa kalibutan ag unman yi sida makitan. Dayawun niku ti Panginuun buu tagipusuun. Dayawa ti Panginuun!

Kanta 106:48

Pagdayawun ti Panginuun, ti Diyus Israil, unman may katapusan. Ti tanan pag nasakupan magsagut magkun, “Amin!” Dayawun ti Panginuun!

Kanta 41:13

Pagdayawun ti Panginuun, ti Diyus Israil, sa unman may katapusan. Amin! Amin!

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Kanta 89:52

Dayawun ti Panginuun sa unman may katapusan! Amin! Amin!

Hirimyas 28:6

Magkun siya, “Amin! Buwatun mana tida Panginuun! Mana buwatun Panginuun kanmu pagsabihun darahun niya iuli sitay ti manga garamitun sa Balay Diyus hanggan ti tanan manga binihag sa Babilunya.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

1 Kurintu 14:16

Nu kawu magpasalamat sa Diyus ginan lang sa kanmu tagipusuun, kabitay pag makasabi, “Amin” ti usa ka tawu nu unman napakan-an mag-alam sa tuhay-tuhay pag pamagaw, unman naalaman niya kanmu pagsabihun.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 19:1

Bag-u nadnugan niku bilang may nagbagaw mayamu gid tawu sa langit magkun, “Dayawun ti Panginuun! Diyus ti gimpuunan karibrihan, kadayawan hanggan kamaskihan.

Ipinakakit 19:3

Utru maan nagbagaw ti mayamu gid tawu magkun, “Dayawun ti Panginuun. Hanggan waya aban magtalimbuuk ti anus sa pagkairub bantug pag banwa.”

Ipinakakit 19:6

Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.