Ipinakakit 19:2 - Hanunuu

² Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Ipinakakit 19:2 Iomraidhean Croise

2 Hari 9:7

Rurisun nimu ti magtal-anakan ni Akab kanmu amu, hampay mabalusan niku si Hisibil sa kay nagmatay sa kang manga manugsirbi pag manga purupita ag sa iba waya niku manga manugsirbi.

Kanta 19:9

Mayad ti maggalang sa Panginuun, pumirmaminti inda hanggan aban. Ti sintinsiya Panginuun tutuu ag matadlung.

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Danyil 7:26

Dapat sintinsiyahan siya, bul-un kay kapangyarihan, ag rurisun yi lubus.’

Diyuturunumiyu 32:35

Nagbagaw siya, “Aku ti bumalus ag pumarusa sa kanda, dahil rumas-ug ti kaudasan miligsay gid sida. Arani yi rumas-ug kanda kadamhakan. Balaw yi inda dugay.”

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 32:43

Kamu pag manga nasyun, dayawa niyu ti nasakupan Panginuun, dahil balusan Panginuun ti manga nagmatay sa kay manga manugsirbi. Balusan niya kay manga kalaban, ag linisun niya kay daga hanggan kay manga nasakupan.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 18:3

Dahil ga pinalangu banwa Babilunya ti tanan manga nasyun tawu sa kay pinagkaalak, sa kay magpanguragin. Nanguragin sa kanya ti manga hari sa babaw daga, ti manga magnigusyu nagyaman dahil sa kay ugali magpanguragin.”

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”