Ipinakakit 19:12 - Hanunuu

¹² Kay mata ga manga labdab yi apuy, mayamu pag sangbaw hari ti masangbawan sa kay ulu. Masuratan sa kay bilug ti ngaran niya, unman may makasalum kay kahulugan nu ud siya lang.

Ipinakakit 19:12 Iomraidhean Croise

Gimpuunan 32:29

Nagpaingana diman si Hakub sa kanya, “Sabihan diman nimu sa kangku kanmu ngaran.” Dapat sinmagut ti tawu, “Danga yi pag paingan-a kang ngaran.” Bag-u kay pinapaladan ati si Hakub.

Kanta 8:5

Binwat nimu siya mas ababa kaysa manga anghil, dapat pagparangalan nimu siya parihu sa hari.

Pag-ighit 23:21

Pagpatingi kamu sa kanya ag sunda kay pagsabihun. Danga kamu maglaban sa kanya. Dahil ti tanan niya pagbuwatun, pagbuwatun niya sa kang ngaran, ag balaw niya patawadun kanyu manga kasalanan.

Kabagawan 30:4

May tawu aw lugud nakadayik sa langit ag nakadugsun sa kalibutan? May tawu aw lugud nakadakup durus ngatay nakasaput danum sa kay rutay? May tawu aw lugud nakapauli manga katugkaan kalibutan? Nu may kilala kawu, tultuli aku kay ngaran hanggan kay ngaran niya manga anak.

Kanta ni Sulumun 3:11

Pagluwas kamu manga babayi Hirusalim, bantayi niyu si Hari Sulumun may sangbaw kuruna. Ipinasangbaw inda niya ina katpung sirang lubus siya masulung — ti sirang niya kasal.

Isayas 62:3

Bumaliw kawu parihu sa usa ka marinu pag kuruna sa kamang Panginuun nimu Diyus.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Danyil 10:6

Kay bilug magkislap parihu sa usa ka mahalaga pag batu. Kay uyahun masinglaw parihu sa kilat, ag kay mata magduag parihu sa apuy. Kay manga kamang ag lulud magkislap ga kiniskisan galang, ag kay busis mabisug gid ga iringayan kadamlan tawu.

Sakaryas 9:16

Sa tunda pag sirang, iribri sida Panginuun nida Diyus bilang kay manga karanidu. Ga kabitay yi sida kay ka rinu bantayun sa kanda daga. Parihu sida sa mahalaga pag manga batu magsilinglawan sa kuruna. Bumaliw abunda kanda manga ani hanggan manga irinmun ubas imaw ti pumabaskug sa kanda manga kalay-awan.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 21:5

“Sabiha niyu sa banwa Siun, ‘Atay tag yi kanmu Hari. Maawaun siya ag masakyan sa anak asnu.’”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 10:22

Ipinabahala niku Ama sa kangku ti tanan manga bagay. Unman may nakakilala sa Anak nu unman ti Ama lang. Unman waydi may nakakilala sa Ama nu unman ti Anak lang, hanggan una hintay ti piliun Anak hampay ipakilala sa kanya ti Ama.”

Huwan 17:11

Taynguna aku asantag yi sa kanmu, udyi aku sitay sa babaw daga. Sida waydi sitay di sa babaw daga. Amang banal, kanmu kamaskihan ti ipinakaun sa kangku imaw ti umingat sa kanda. Ingatan nimu sida hampay sida magkausa, parihu ga kanta urusa diman.

Huwan 17:12

Pagka aku sa kanda di waya, iningatan niku sida sa kapangyarihan nimu ipinakaun sa kangku. Unman may nidamhak sa kanda purya lang tunda pag usa ka tawu ti daan ihinanda para tabug sa kadamhakan hampay matupad ti isinurat sa Banal Kasuratan.

Ipisu 1:21

Nakan ngani ti tanan manga naminunu, manga may kangaranan, manga kamaskihan hanggan manga magpamahala, una sa babaw daga una sa langit, sa sirung di kamaskihan ni Kiristu. Subra kay ngaran ni Kiristu balaw lang ga iba ngaran, balaw lang sa taynguna hanggan sa paratabgan.

Hibriyu 2:9

Dapat ay mag-akitan nita si Hisus, ti binwat Diyus ababa man sa manga anghil ngalay-ngalay lang. Taynguna bay pinakan-an siya karampatan sa maghari may kadayawan hanggan kagalangan, dahil nakalakaw siya kamatayan. Sa kay lubus pangaawa Diyus, nakan namatay si Hisus para sa kada tawu.

Ipinakakit 1:14

Malagti kay buhuk, ga burak kay kalagti ngatay ga snow, bag-u magduag ga apuy kay manga mata.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 13:1

Bag-u nakitan niku ti usa ka hayup malangas magpatakas ginan sa dagat, sampulu kay sungay ag pitu kay ulu. Kada usa ka sungay may sangbaw hari, kada ulu may nakasurat ngaran manga lapastangan sa Diyus.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

Ipinakakit 6:2

Pagka namantay aku may nakitan aku usa ka kabayu malagti. Ti masakyan siti may bitbit bayi. Pinirimyuhan siya sangbaw sa kay nanalu. Nag-atag siya hampay magparargu siya sa kay magpanalu.

Talaghusay 13:18

Nagsagut ti anghil, “Hayga gustu gid niyu maalaman kang ngaran? Makuri inda intindihun.”