Ipinakakit 18:2 - Hanunuu

² Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.

Ipinakakit 18:2 Iomraidhean Croise

Isayas 14:23

Buwatun niku inda pangawakawaan, may mayamu lasaan, ag gub-un niku ga pinarisan. Aku, ti Panginuun Makamaskihan, ti magsabi inda.”

Hirimyas 25:30

“Hirimyas, sabihun nimu sa kanda ti tanan pagsabihun niku, ag sabihun waya nimu, ‘Manringgit ti Panginuun ginan sa langit; mangurarug kay busis ginan sa banal niya pag ulian. Manringgit siya mabaskug sa manga pinili niya. Manringgit diman siya sa tanan mag-uli sa kalibutan ga tawu magringgit habang magpigis siya ubas.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Sipanyas 2:14

Bumaliw pasturan inda manga baka, kambing, ag iba waya pag kalasi manga hayup. Umapun ti manga bukaw sa manga nadaut tulduk, ag madnugan kanda uni sa manga gaha. Madaut ti manga sabian ag magkaratangkas ti manga sidru pag kayu.

Ipinakakit 1:15

Magsinglaw kay manga lulud ga galang udyi may lakut, ipinalakaw yi sa apuy, pinakintab. Kay magbagaw ga danum magpaywas sa sapa.

Ipinakakit 10:3

Nanawag siya daka, kay tawag ga ungal liyun kay kadaka. Pagka siya nanawag daka nagbagaw ti pitu ka kurarug linti.

Ipinakakit 11:8

Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.

Ipinakakit 14:15

Bag-u may linmuwang usa waya ka anghil ginan sa Balay Diyus. Nagbagaw siya daka tabug sa matukawan sa rurum magkun, “Bulwata yi duy kanmu karit, paggarab yi kawu dahil udas yi tig-arani. Lutu yi nakan ti aranyun sa babaw daga.”

Ipinakakit 14:8

Nagdasun sa kanya ti ikadwa pag anghil magkun, “Nawasak yi, nawasak yi ti makapangyarihan pag banwa Babilunya. Pinakan-an niya maisug pag intus ti tanan nasyun tawu, pinilit pinalangu niya sida sa panguragin niya.”

Ipinakakit 16:13

Bag-u nakitan niku may tulu ka bilug labang ga histuda pikaw nagluwang ti usa ginan sa sulang daragun, ti usa ginan sa sulang hayup malangas, ti usa ginan sa sulang pudilun purupita.

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

Ipinakakit 17:18

“Ti babayi kanmu nakitan imaw ti bantug pag banwa may kapangyarihan sa manga hari sa babaw daga.”

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”

Ipinakakit 18:10

Manindugan sida ginan sa arayu magkadala madamay sa kay nalakawan pag kaparusahan. Sumabi sida magkun, “Anung anung duy ti bantug pag banwa. Sa sulud lang usa ka udas natupad yi ti kaparusahan sa makapangyarihan pag banwa Babilunya.”

Ipinakakit 18:21

Bag-u ti usa ka makamaskihan pag anghil nagpunpun batu ga usa ka galingan batu kay kalaun bag-u kay ayinmut tag sa dagat. Magkun ti anghil, “Katunda diman aban pag idugsak ti bantug pag banwa Babilunya udyi makitan uman.

Ipinakakit 5:2

Nakitan niku ti usa ka mamaski pag anghil nagpahayag daraka pag bagaw magkun, “Hintay ti may karampatan magbuul kay kula bag-u magbukas kasuratan?”