Ipinakakit 16:1 - Hanunuu

¹ Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”

Ipinakakit 16:1 Iomraidhean Croise

Kanta 79:6

Pakakitan kanmu pangagalit sa manga nasyun ag manga kaharian balaw magkilala ag magsamba sa kanmu.

Hirimyas 10:25

Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Isikil 10:2

Magkun ti Panginuun sa tawu nakarutay linu, “Pag-ati kawu sa karaw-an manga gulung sa sirung manga kirubin, pag-akup kawu ati manga baga bag-u sarwagan inda sa banwa.” Nakitan niku nag-ati ngani siya.

Isikil 22:31

Nakan ipaagum niku sa kanda kang masyadu pag pangagalit. Ipadamhak niku sida dahil sa kanda manga binwat. Aku, ti Panginuun Diyus, ti magbagaw inda.”

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Ipinakakit 11:19

Bag-u nabukasan yi ti Balay Diyus sa langit ag nakitan ti Kaban Hugut sa Kasunduan Panginuun. Bag-u nagbalagit ti kilat, nangurarug ti linti, nadnugan ti manga daraka pag ingay, naglinug bag-u nag-uran yilu daraka.

Ipinakakit 14:15

Bag-u may linmuwang usa waya ka anghil ginan sa Balay Diyus. Nagbagaw siya daka tabug sa matukawan sa rurum magkun, “Bulwata yi duy kanmu karit, paggarab yi kawu dahil udas yi tig-arani. Lutu yi nakan ti aranyun sa babaw daga.”

Ipinakakit 14:18

May usa waya gid maan ka anghil nagluwang ginan sa surunugan manga pag-isagda sa Panginuun. Siya ti manug-alaga sa apuy. Nagbagaw sida daka sa anghil sa may bitbit karit matarum magkun, “Ta gamita yi kanmu karit, rapasa yi nimu ti manga ubas sa tanan manga ubasan sa babaw daga, lutu yi nakan.”

Ipinakakit 15:1

Nakitan niku ti usa waya ka makadululaw ag makamaskihan pag tanda sa langit. May pitu ka anghil pasay may dara kahigpitan. Tunda yi ti pangatapusan pag kahigpitan dahil siti aban pag matabu kay pangagalit Diyus.

Ipinakakit 16:17

Bag-u ibinuhus maan ikapitu pag anghil kay sukad ginan sa kay pinggan malukung tag sa panungaan langit daga. May nagbagaw daka ginan sa tukawan hari ati sa Balay Diyus magkun, “Tinupad yi.”

1 Samwil 15:18

Ag ipinadara niya kawu sa usa ka buruwatun. Magkun siya, ‘Rurisa lubus ti manga Amalikita, ti daut pag nasakupan. Lumaban kawu sa kanda tugka sa matabu sida mamatay.’

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”