Ipinakakit 15:3 - Hanunuu

³ Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 15:3 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

1 Krunika 6:49

Dapat si Aarun ag kay manga linahi imaw lang ti binwat manga manughandug. Sida ti maghandug sa harandugan handug pagsunugun hanggan sa harandugan surunugan kamangyan. Sida diman waydi ti manugbuwat sa iba pag buruwatun may kinalaman sa Pinakabanal pag Sulud-sulud. Magsagda sida para malukat ti manga Israilita sa kanda manga kasalanan. Pagbuwatun nida inda angay sa tanan isinugu ni Muysis ti suruguun Diyus.

2 Krunika 24:6

Nakan ipinatawag ni Hari Huas si Hihuyada, ti pangulu manughandug ag pinaingana, “Hayga unman nimu ipinatipun sa manga Libita ti buhis manga nasakupan Huda ag Hirusalim? Unman aw nagsugu si Muysis sa nasakupan Israil kuntay ipakaun nida inda para sa Turda Kaban Kasunduan?”

Nihimyas 9:14

Itinudlu nimu sa kanda ti kailangan buwatun tungkul sa Sirang Pamahari. Ag sinugu nimu sida sa panab-anan nimu manugsirbi sa kan Muysis, kuntay tupada kanmu manga sugu, manga surundanun, hanggan manga pag-itudlu.

Hub 36:24

Danga pagkalimti ti pagdayaw sa kay manga binuwat parihu sa pagbuwatun manga iba sa kanda magkanta.

Hub 5:9

Dahil magbuwat siya manga makadululaw pag manga bagay hanggan manga lilingutan balaw masalman ag dayu mabilang.

Kanta 100:5

dahil mayad ti Panginuun. Kay pagmahal balaw may katugkaan, matinupadun siya hanggan aban.

Kanta 105:5

Kamu manga pinili Diyus manga linahi ni Abraham ti manugsirbi Diyus, manga linahi diman ni Hakub, alalahana niyu kay makadululaw pag manga buwat, kay manga lilingutan, ag kay manga paghatul.

Kanta 111:2

Makadululaw ti manga binwat Panginuun; pag-isipun gid inda tanan magkaibug sa kay binwat.

Kanta 111:7

Tapat ag matadlung siya sa tanan niya pag buwatun, ag masarigan ti tanan niya pag manga sugu.

Kanta 139:14

Pagdayawun niku kawu dahil makadululaw gid kanmu naglalang sa kangku. Makadululaw kanmu manga binwat, ag alam gid niku inda.

Kanta 145:17

Panginuun, matadlung kawu sa tanan nimu paraan, ag matinupadun kawu sa tanan nimu pagbuwatun.

Kanta 145:6

Itultul manga tawu ti kamaskihan nimu makadululaw pag manga binwat, ag ipamarita diman niku kanmu pagkamaskihan.

Kanta 18:30

Diyus, kanmu palakaw unman may ikasabi. Kanmu bagaw masarigan gid. Parihu kawu sa panangga sa tanan magdangup sa kanmu.

Kanta 78:12

Nagbuwat ti Diyus makadululaw ati sa Suan, sa daga Ihiptu ag nakitan inda nita manga ginurang.

Kanta 92:5

Panginuun, makamaskihan kanmu manga binwat! Balaw nimi masalman kanmu naisipan.

Kanta 99:4

Makamaskihan siya pag Hari ag magkaibug sa katadlungan. Matadlung kay maghari; kang-ud kay pagbuwatun sa Israil.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 45:21

Pagparaingan-an kamu sa usa kag sa usa, bag-u padnugan niyu kanyu katuwiran. Si unu lugud ti naghula kaybi tungkul sa manga bagay mangyari? Unman aw aku, ti Panginuun? Unman may iba Diyus nu unman aku lang — ti matadlung pag Diyus ag Manugribri.

Danyil 6:20

Pagkaras-ug niya ati, maruku siya nagtawag, “Danyil, suruguun buhi pag Diyus, irinibri aw kawu sa manga liyun nimu pirmi pagsirbihan pag Diyus?”

Danyil 9:11

Naglabag ti tanan Israilita sa kanmu Kasuguan; balaw nida gustu sumunud sa kanmu pagsabihun. Ag dahil sa kanmi kasalanan, rinmas-ug sa kanmi ti saad, ti nakasurat sa Kasuguan ni Muysis, kanmu manugsirbi.

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Diyuturunumiyu 31:30

Inda ti kabuuhan kanta kay ipinadnug ni Muysis sa buu kapulungan Israil:

Diyuturunumiyu 32:3

Ipadakit niku ti ngaran Panginuun. Dayawun nita ti pagka makamaskihan nita Diyus!

Diyuturunumiyu 34:5

Nakan namatay ngani si Muysis, ti manugsirbi Panginuun ati sa Muab, angay gid sa sinabi Panginuun.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

Hibriyu 3:5

Masarigan ngani si Muysis sa tanan niya buruwatun sa magtal-anakan Diyus dahil siya suruguun Diyus, hampay ipasandam niya ti manga katutuuhanan kay ipaburayhaw Diyus aban.

Huswi 22:5

Dapat danga gid niyu pagkalimti tupadun ti manga sugu ag manga tudlu ipinakaun sa kanyu ni Muysis imaw ti manugsirbi Panginuun. Mahala niyu ti Panginuun niyu Diyus, pagpangabuhi kamu angay sa kay kagustuhan, tupada kay manga sugu, pagmarig-un sa kanya, ag sirbihi niyu siya buu tagipusuun hanggan karadwa.”

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 11:17

magkun, “Panginuun Diyus makamaskihan sa tanan, kawu ti Diyus kainda, una kaybi ginan. Magpasalamat kami dahil ginamit nimu kanmu kamaskihan unman may katapusan. Kawu naghari yi taynguna.

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 14:8

Nagdasun sa kanya ti ikadwa pag anghil magkun, “Nawasak yi, nawasak yi ti makapangyarihan pag banwa Babilunya. Pinakan-an niya maisug pag intus ti tanan nasyun tawu, pinilit pinalangu niya sida sa panguragin niya.”

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”