Ipinakakit 13:6 - Hanunuu

⁶ Bag-u nagbagaw ngani siya manga lapastangan laban sa Diyus, laban sa ngaran Diyus, laban sa kay ulian Diyus hanggan laban sa tanan mag-uli sa langit.

Ipinakakit 13:6 Iomraidhean Croise

Hub 3:1

Pagka dugay, nagbagaw si Hub ag sinaadan niya kay sirang kapanganakan.

Kanta 73:9

Magbagaw sida daut sa Diyus sa langit hanggan sa manga tawu sa kalibutan.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 7:8

“Habang pagturunun niku ti manga sungay, nakitan niku may magbusngil diit pag sungay ag napunggal ti tulu ka sungay. Inda pag sungay may mata parihu sa tawu ag may bibig magpadayaw.

Matiyu 12:34

Kamu ga linahi manga udtu adlaw. Kabitay pag masabi niyu ti mayad pag manga baragawun nu kamu ngap daut. Dahil nu hintay ti hinamnu tawu sa kay tagipusuun imaw diman kay pagbagawun.

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Ruma 3:13

Kanda tululnan parihu ga lulubngan nabukasan, dahil kanda manga bibig paggamitun sa magdaya. Kanda dila may dalit ga ulay udtu adlaw.

Kulusas 1:19

Kay nagustuhan Diyus nu kabitay siya kay pagka-Diyus pagkatunda diman kay Anak.

Kulusas 2:9

Dahil pagka nabilug tawu si Kiristu, sa kanya diman ti kalubusan Diyus.

Hibriyu 9:2

Binwat nida ti usa ka Turda. Kay sanggaan iningarnan Banal pag Sulud-sulud. Ati kay palaulian sulu, kay lamisa, hanggan kay tinapay pag-ibugtang sa atubangan Diyus.

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.

Ipinakakit 11:12

Bag-u may nadnugan ti duwa ka purupita may binmagaw ginan sa langit magkun, “Pagsitay tag duy kamu sa langit.” Hanggan pagbantayan waya sida nida manga kalaban, ati yi tag sida sa langit dinara rurum.

Ipinakakit 12:12

Nakan kawu duy pag langit pagbaya, hanggan ti tanan mag-uli asan sa langit pagbaya. Dapat ay kamu pag daga hanggan dagat, mahigpit pag kakurian kanyu malakawan. Dahil masyadu pag galit ti idugsak diyablu sa kanyu. Alam yi niya diit wadi pag udas ti kay magkasawad.”

Ipinakakit 15:5

Bag-u nakitan niku mabukasan yi ti Balay Diyus sa langit, ti Turda Tiripnan nu naan pag maulian ti Kasuguan.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 21:3

Nadnugan niku may nagbagaw daka ginan sa tukawan hari magkun, “Taynguna kay ulian Diyus sa karaw-an yi manga tawu. Mangulian siya kaibahan yi nida ag sida kay yi nasyun. Ti Diyus sa kanda yi karaw-an ag siya kanda yi Diyus.

Ipinakakit 4:1

Bag-u tuhay maan kay ipinakakit Diyus sa kangku. Nakitan niku sa langit ti usa ka sabian mabukasan. Nadnugan maan niku ti matnug pag bagaw ga budyung kay kadaka kay tunug magkun, “Pag-atay tag kawu sa tungud hampay kang ipakakit sa kanmu ti manga bagay mangyari aban.”

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

Ipinakakit 5:13

Nadnugan niku magkarantahan ti tanan manga linalang una sa langit una sa babaw daga una sa sirung daga hanggan sa dagat, tanan-tanan manga linalang sa bilug kalibutan magkun. “Sa hari nakatukaw sa kay tukawan hanggan sa Anak Karanidu, sa kanda yi ti kapurihan, ti paggalang, ti kadayawan hanggan kamaskihan hanggan waya aban.”

Ipinakakit 7:15

Nakan ngani sida sa atubangan tukawan Diyus ag magsirbi sa kanya sirang yabi sa kay balay. Ti nakatukaw sa tukawan hari tig-ukub sa kanda hampay udyi may mangyari sa kanda.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.