Ipinakakit 12:3 - Hanunuu

³ Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 12:3 Iomraidhean Croise

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 51:9

Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Isayas 9:15

Kay ulu imaw ti manga takinan ag manga paggalangun pag tawu, kay ikug imaw ti manga pudilun pag purupita.

Danyil 2:41

Ti manga lulud diyus-diyusan buwat sa baul ag lutuk kay ibug sabihun madwa ti kaharian. Dapat pumirmaminti inda mapag-un, dahil nakitan nimu kay manga lulud diyus-diyusan may lakay baul.

Danyil 2:42

Ti manga ituturu baul ag lutuk pag lulud kay ibug sabihun inda may bahagi kaharian mapag-un ag may bahagi waydi kaharian balaw magpag-un.

Danyil 7:20

Pinaingana diman niku siya nu hintay kay kahulugan tunda pag sampulu ka sungay sa ikap-at pag hayup hanggan ti usa waya ka sungay magbusngil ag napunggal ti tulu ka sungay. Inda pag sungay may manga mata ag may bibig magpadayaw, ag nu bantayun mas makapangyarihan siya sa iba ka sungay.

Danyil 7:24

Ti sampulu ka sungay imaw ti sampulu ka hari humari sa tunda pag kaharian. Umilis ti usa ka hari tuhay sa kanda ag taluhun niya ti tulu ka hari.

Ipinakakit 12:1

Bag-u may nakitan maan aku usa ka makadululaw pag tanda sa langit, ti usa ka babayi kay pinagkalambung init, matindugan sa bulan. Sampulu may duwa ka pamgasan ti pinagkasangbaw sa kay ulu.

Ipinakakit 12:13

Pagka nakitan daragun siya ayinmut sa daga, inusig niya ti babayi ti nanganak usa ka lalaki.

Ipinakakit 12:17

Mahigpit yi kay galit daragun sa babayi nakan pinamharingan niya kay nasawad linahi babayi hampay girahun. Imaw yi pag manga tawu ti magsunud sa kay sugu Diyus, manga balaw magbul-iw sa katutuuhanan ipinakilala ni Hisus.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.

Ipinakakit 12:7

Bag-u may gira sa langit. Ti pangulu anghil si Mikail, hanggan manga anghil naglaban sa daragun. Ti daragun hanggan kay manga kakampi pag manga anghil naglaban gid sa gira.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:1

Bag-u nakitan niku ti usa ka hayup malangas magpatakas ginan sa dagat, sampulu kay sungay ag pitu kay ulu. Kada usa ka sungay may sangbaw hari, kada ulu may nakasurat ngaran manga lapastangan sa Diyus.

Ipinakakit 13:2

Ti hayup malangas parihu ga liyupardu pag hayup kay histuda, may manga lulud parihu ga lulud usu pag hayup. May bibig bilang ga bibig liyun. Ipinakaun daragun sa hayup malangas kay sadili pag kapangyarihan, kay pagkahari hanggan kay daka gid pag karampatan.

Ipinakakit 13:4

Ti tanan tawu nagsamba sa daragun, dahil ipinakaun niya kay karampatan sa hayup malangas. Sinambahan nida hanggan ti hayup malangas, dinayaw nida magkun, “Hintay ti makatulad sa hayup malangas, si unu ti makalaban sa kanya?”

Ipinakakit 15:1

Nakitan niku ti usa waya ka makadululaw ag makamaskihan pag tanda sa langit. May pitu ka anghil pasay may dara kahigpitan. Tunda yi ti pangatapusan pag kahigpitan dahil siti aban pag matabu kay pangagalit Diyus.

Ipinakakit 16:13

Bag-u nakitan niku may tulu ka bilug labang ga histuda pikaw nagluwang ti usa ginan sa sulang daragun, ti usa ginan sa sulang hayup malangas, ti usa ginan sa sulang pudilun purupita.

Ipinakakit 17:12

“Ti sampulu ka sungay kanmu nakitan kay kahulugan sampulu waydi ka hari udwaya nakahari dapat humari sida aban sa sulud usa ka udas kanda karampatan minsan sa hayup malangas.

Ipinakakit 17:16

Ti sampulu ka sungay kanmu nakitan hanggan ti hayup malangas magalit aban sa bantug pag babayi uragin. Agawun nida ti tanan kasiyunan niya bag-u lukasun nida kay rutay. Kan-un nida kay nayi bag-u sunugun nida siya sa apuy.

Ipinakakit 17:7

Pinmaingana ti anghil sa kangku magkun, “Hayga duy kawu magkadulaw? Itultul niku sa kanmu nu hintay kay kahulugan tunda pag babayi, hanggan tunda pag hayup malangas kay sarakyan may pitu ka ulu, kay sungay sampulu.

Ipinakakit 19:12

Kay mata ga manga labdab yi apuy, mayamu pag sangbaw hari ti masangbawan sa kay ulu. Masuratan sa kay bilug ti ngaran niya, unman may makasalum kay kahulugan nu ud siya lang.

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.