Ipinakakit 12:1 - Hanunuu

¹ Bag-u may nakitan maan aku usa ka makadululaw pag tanda sa langit, ti usa ka babayi kay pinagkalambung init, matindugan sa bulan. Sampulu may duwa ka pamgasan ti pinagkasangbaw sa kay ulu.

Ipinakakit 12:1 Iomraidhean Croise

2 Krunika 32:31

Dapat sinubukan siya Diyus pagka rinmas-ug ti manga may kangaranan ginan sa Babilunya mag-usisa tungkul sa makadululaw pag nangyari sa Huda. Binwat inda Diyus hampay maalaman nu unu ungud sa tagipusuun ni Isikyas.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kanta ni Sulumun 6:10

Magkun sida, “Si unu lugud inda nu bantayun parihu sa magkasurip kay rinu? Kay rinu parihu sa bulan, ag kay kasilaw parihu sa init. Makadululaw gid siya parihu sa manga pamgasan.”

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 62:3

Bumaliw kawu parihu sa usa ka marinu pag kuruna sa kamang Panginuun nimu Diyus.

Sakaryas 9:16

Sa tunda pag sirang, iribri sida Panginuun nida Diyus bilang kay manga karanidu. Ga kabitay yi sida kay ka rinu bantayun sa kanda daga. Parihu sida sa mahalaga pag manga batu magsilinglawan sa kuruna. Bumaliw abunda kanda manga ani hanggan manga irinmun ubas imaw ti pumabaskug sa kanda manga kalay-awan.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Matiyu 12:38

May manga manugtudlu Kasuguan ag manga Parisiyu magkun sa kan Hisus, “Maisturu, pakakitan nimu kami usa ka tanda kawu sugu Diyus?”

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Markus 13:25

mangalagpak ti manga pamgasan ginan sa langit, ti manga bagay matandug panungaan langit daga.

Lukas 21:11

May manga linug mabisug aban ag una naan pag rugar aban may manga lun-us, manga sarut sakit. Ati katpung aban makitan ti karadalaun, dayawun aban manga tawu ti makadululaw pag manga tanda ginan sa langit.

Lukas 21:25

Sinabi diman ni Hisus, “May manga tanda aban sa init, sa bulan hanggan sa manga pamgasan. Sa babaw daga magkadiklahan ti manga nasyun, magkadala gid sida sa paywas dagat hanggan sa dagmuk taub.

Huwan 3:29

Ti babayi ipasaru sa kay lalaki arasawan-un. Ti iribahun mag-alagad sa lalaki ipasaru. Nakabaya ti manug-iba nu makad-nug siya sa kay magbagaw lalaki ipasaru. Katunda diman ungud kang magbaya taynguna.

Binwat 2:19

Pumakakit aban aku manga makadululaw sa langit ati sa tungud ag manga tanda sa sirung langit sa babaw daga, dugu ngani, apuy ag magtalimbuuk pag anus.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

2 Kurintu 11:2

Aku hanggan ga sa Diyus kang mag-irang sa kanyu tabug sa kasalanan. Parihu kamu ga usa ka daraga mabuut, kang itinaratu sa usa ka lalaki, sa kan Kiristu ngani hampay siya ga kanyu asawa.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Galasya 4:26

Dapat ti Hirusalim taga langit imaw ti bukun panawuhun, siya bilang ga kanta yi ina.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Ipisu 5:32

Inda ti usa ka pinakamahalaga ag madalum pag katutuuhanan. Kang isip inda tungkul sa kan Kiristu ag tungkul sa iglisya.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 11:19

Bag-u nabukasan yi ti Balay Diyus sa langit ag nakitan ti Kaban Hugut sa Kasunduan Panginuun. Bag-u nagbalagit ti kilat, nangurarug ti linti, nadnugan ti manga daraka pag ingay, naglinug bag-u nag-uran yilu daraka.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 15:1

Nakitan niku ti usa waya ka makadululaw ag makamaskihan pag tanda sa langit. May pitu ka anghil pasay may dara kahigpitan. Tunda yi ti pangatapusan pag kahigpitan dahil siti aban pag matabu kay pangagalit Diyus.

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.

Ipinakakit 21:23

Udyi may kailangan init una bulan hampay rayawan ti banwa dahil ti kadayawan Diyus tigparayaw ati, ti Anak Karanidu ti sulu.