Ipinakakit 11:9 - Hanunuu

⁹ Sa sulud tulu ka sirang may tunga kanda bangkay panuudan manga tawu ginan sa kada kalasi tawu, sa kada linahi, sa tanan histuda pamagaw, sa kada nasyun tawu. Unman sida pumasnu kuntay ilubung ti manga bangkay.

Ipinakakit 11:9 Iomraidhean Croise

1 Hari 13:22

Isinugu niya sa kanmu kuntay danga kawu magkaun ag mag-inum sa inda pag rugar, dapat binmalik kawu bag-u nangaun ag nanginum. Dahil sa inda pag binwat nimu, kanmu bangkay balaw ilbung sa lulubngan nimu manga ginurang.’ ”

Manugtudlu 6:3

Kang masabi mas mayad waya ti usa ka lapsag iinanak tigbak kaysa tawu nabuhi ngani dugay ag nagkaanak mayamu, dapat unman nakalakaw kasulungan sa kay buhi ag ilinbung waya balaw mayad.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Ipinakakit 10:11

Bag-u sinabi anghil sa kangku magkun, “Kailangan kawu magpurupita maan tungkul sa mayamu pag manga tawu, manga nasyun, manga pamagaw hanggan manga hari.”

Ipinakakit 11:11

Pagka nakalawuy yi ti tulu ka sirang may tunga, binuhi maan sida Diyus, tinmindug. Balaw basta pag kulba ti manga nakakit.

Ipinakakit 13:7

Pinahintulutan diman siya hampay girahun taluhun ti manga napasakup sa Diyus. Pinakan-an siya karampatan mamahala sa kada linahi, sa kada kalasi tawu, sa kada pamagaw, sa kada nasyun tawu.

Ipinakakit 17:15

Sinabi diman anghil sa kangku magkun, “Ti manga danum kanmu nakitan tinukawan babayi uragin, imaw yi ngani ti manga nasyun manga kayamuan tawu, manga tuhay-tuhay kanda pamagaw.

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.