Ipinakakit 11:8 - Hanunuu

⁸ Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.

Ipinakakit 11:8 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Gimpuunan 19:24

Kadaka pinauranan Panginuun maglabdaban asupri ti Suduma ag Gumura.

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Pag-ighit 3:7

Bag-u magkun ti Panginuun, “Nakitan niku ti kakurian manga nasakupan niku sa Ihiptu. Nadnugan niku kanda maghagad awat dahil sa masyadu pag-unuunu manga manugpatigayun sa kanda, ag naawa gid aku sa kanda dahil sa kanda manga kakurian.

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Hirimyas 26:23

Bin-ul nida si Uryas ati sa Ihiptu bag-u dinara sa kan Hari Hihuyakim, ag ipinamatay niya inda sa panab-anan baladaw, ag iyinmut kay bangkay sa kalubngan manga basta lang pag tawu.

Isikil 16:46

Ti aka nimu babayi imaw ti Samarya ati pag mag-uli sa salatan kaibahan kay manga anak babayi. Kanmu arian babayi imaw ti Suduma, ati mag-uli sa kanaway kaibahan kay manga anak babayi.

Isikil 16:49

Ti kasalanan Suduma kanmu patar-ari imaw ti magpalabaw-labaw. Siya ag kay manga anak babayi abunda sa karan-unun ag maalwan kay pagpangabuhi, dapat unman gid sida nan-awat sa manga pugri.

Isikil 23:19

Dapat una katida, parargu di gid siya nagpabili kay bilug parihu sa kay binwat ati sa Ihiptu katpung kalay-awan waya siya.

Isikil 23:27

Umapas yi kanmu mahalay pag buruwatun ti pagpabili kanmu bilug, kanmu inumpisahan sa Ihiptu. Balaw yi nimu alalahanun inda, ag kalimtan yi nimu ti Ihiptu.

Isikil 23:3

Katpung kalay-awan waya sida, magpabili sida kanda bilug sa Ihiptu. Pagpabay-anan lang nida ti manga lalaki manpasawa-sawa sa kanda manga bilug.

Isikil 23:8

Unman gid siya inmapas sa pagpabili sa kay bilug ginan kaybi ati waya siya sa Ihiptu. Katpung kalay-awan waya siya nag-ulid yi siya, bag-u ti manga lalaki nagpasawa-sawa sa kay bilug.

Isikil 37:11

Magkun waya ti Panginuun sa kangku, “Anak tawu, inda pag manga but-ul imaw ti nasakupan Israil. Magkun sida, ‘Mamara yi kanmi manga but-ul ag unman yi kami may pag-asa; ipinadamhak yi kami.’

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Matiyu 10:15

Ungud duy kang pagsabihun sa kanyu, nu sa udas pagsintinsiya aban, subra waya pag kaparusahan ti malakawan manga tawu sa ati pag banwa balaw lang ga kanda nalakawan manga taga Suduma ag Gumura.”

Binwat 9:4

Nisubsub siya sa daga bag-u nakadnug siya may magbagaw sa kanya magkun, “Saulu, Saulu, hayga pag-unuunuhun nimu aku?”

Hibriyu 13:12

Nakan una si Hisus nag-agwanta namatay sa luwas diman puwirtahan alad batu, hampay paglumpiyuhun ti manga tawu sa kanda manga kasalanan dahil sa kay dugu.

Hibriyu 6:6

Dayu yi mauman sida mataban sa pag-ampu sa kasalanan dahil ga kanda ngap pag-ipaku maan ti Anak Diyus sa kurus ag pag-ipasurug maan nida siya sa hayagan.

2 Pidru 2:6

Sinintinsiyahan diman Diyus pinapas ti banwa Suduma hanggan ti banwa Gumura nagbaliw yi dapug, bilang ga usa ka mustara sa manga balaw magpasakup sa Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.

Ipinakakit 11:9

Sa sulud tulu ka sirang may tunga kanda bangkay panuudan manga tawu ginan sa kada kalasi tawu, sa kada linahi, sa tanan histuda pamagaw, sa kada nasyun tawu. Unman sida pumasnu kuntay ilubung ti manga bangkay.

Ipinakakit 14:20

Bag-u tinatatataan ti manga ubas ati sa luwas banwa. Ginan sa pirigsan ubas nagbaha ti dugu, tulu ka gatus may duwapulu ka kilumitru kay nagbulusan dugu, tupung sa dayu kabayu kay kaabasad.

Ipinakakit 14:8

Nagdasun sa kanya ti ikadwa pag anghil magkun, “Nawasak yi, nawasak yi ti makapangyarihan pag banwa Babilunya. Pinakan-an niya maisug pag intus ti tanan nasyun tawu, pinilit pinalangu niya sida sa panguragin niya.”

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.

Ipinakakit 17:18

“Ti babayi kanmu nakitan imaw ti bantug pag banwa may kapangyarihan sa manga hari sa babaw daga.”

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”

Ipinakakit 18:10

Manindugan sida ginan sa arayu magkadala madamay sa kay nalakawan pag kaparusahan. Sumabi sida magkun, “Anung anung duy ti bantug pag banwa. Sa sulud lang usa ka udas natupad yi ti kaparusahan sa makapangyarihan pag banwa Babilunya.”

Ipinakakit 18:18

Linumian nida ti banwa magkairub basta mag-anus waya ati. Magkun sida, “Unman may kaparihu sa kay kabantugan siti pag banwa.”

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.

Ipinakakit 18:21

Bag-u ti usa ka makamaskihan pag anghil nagpunpun batu ga usa ka galingan batu kay kalaun bag-u kay ayinmut tag sa dagat. Magkun ti anghil, “Katunda diman aban pag idugsak ti bantug pag banwa Babilunya udyi makitan uman.

Ipinakakit 18:24

Siyun diman waydi pag banwa pag minatay ti manga purupita, ti manga pinili Diyus hanggan ti tanan minatay sa kalibutan.”