Ipinakakit 11:3 - Hanunuu

³ Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”

Ipinakakit 11:3 Iomraidhean Croise

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

2 Samwil 3:31

Pagkatapus, sinabi ni Dabid sa kan Huab hanggan sa tanan niya kaibahan, “Gisia niyu kanyu manga rutay ag pagrutay saku. Paghimanglaw kamu habang maglakaw sa unahan bangkay ni Abnir sa paglubung sa kanya.” Nanlubung diman si Hari Dabid magdasun sa kay uryan bangkay.

1 Hari 21:27

Pagka nasaydan ni Akab kay sinabi ni Ilyas, dinaut niya kay rutay ag nanulung saku una sa magkaturug. Balaw siya nanhandum karan-unun ag maruku nagpalakaw-lakaw.

2 Hari 19:1

Pagka nadnugan ni Hari Isikyas ti ibinarita sa kanya, ginisi niya kay rutay ag nagsulung saku, bag-u nag-atag siya sa Balay Diyus Panginuun.

1 Krunika 21:16

Nagtangda si Dabid ag nakitan niya ti anghil Panginuun matindugan sa pawa, sa karaw-an langit ag daga may paghiyaptan baladaw matudluan sa Hirusalim. Bag-u nagluhud si Dabid hanggan ti manga manugpamahala Israil, may sulung saku sa pagpakakit sa kanda karukuan.

Nihimyas 9:1

Pagka sa ika-24 pag sirang sa tunda diman pag bulan, nagtipun ti manga Israilita hampay balaw manhandum karan-unun. Nanrutay sida manga saku ag pinaulian dapug kanda manga ulu.

Hub 16:15

Nansulung aku saku ag tinmukaw sa daga hampay manhimanglaw.

Kanta 69:11

Nu magsulung aku saku sa pagpakakit pagpanrukuan niku, pagpuyaan nida aku.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Karukuan 2:10

Ti manga manugpamahala sa Hirusalim matukawan sa daga unman gid magbagaw. Pinaulian nida manga galbuk kanda manga ulu ag nanrutay sida saku magpakakit kanda karukuan. Ti kasupangan pag manga babayi sa Hirusalim mayungduan sa kay-a.

Isikil 4:6

Pagkatapus, pagpalisud kawu sa sikun ag pas-ana diman nimu ti kasalanan nasakupan Huda sa sulud upatpulu ka sirang; ti usa ka sirang katumbas diman maan usa ka timpu.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 8:14

Nagsagut sa kanya ti usa ka anghil, “Mangyari inda sa sulud 2,300 ka surip ag maghugut marukirum. Ag rargu rayawan ti Balay Diyus.”

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Hunas 3:5

Naniwala ti manga taga Ninibi sa inda pag tultulanun ginan sa Diyus. Tanan-tanan sida, ginan sa pinakabantug tugka sa pinakapugri, nanrutay saku ag nanrukuan hampay ipakakit kanda magsisi.

Hunas 3:8

Pagrutay saku kamu tanan, hanggan yi ti manga hayup, bag-u pangungud kamu sa darangin tabug sa Diyus. Pagpatlikud kamu sa kanyu daut pagpangabuhi hanggan sa kanyu maggiit.

Bilang 11:26

Ti duwa sa 70 ka paggurangunun sida ni Ildad ni Midad, napatayak sida sa kampu, balaw nag-ati sa Turda. Dapat natanggap diman nida ti Ispiritu, nagbagaw diman sida parihu sa manga purupita.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Matiyu 18:16

Dapat nu unman siya magpaniwala sa kanmu, tumaban waya kawu usa una duwa ka tawu hampay ti tanan hinampangan niyu balaw mapahimudil nu duwa ngatay tulu ti nakadnug.

Lukas 10:13

Sinabi ni Hisus magkun, “Kaawaawa kamu pag manga taga Kurasin, kaawaawa kamu hanggan pag manga taga Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay rutay daan, nagtukaw sa dapug ti manga taga ati hampay ipakilala kanda nag-ampu nagpatawad yi sa kanda kasalanan.

Lukas 24:48

Magkun si Hisus sa kanda, “Kamu yi ngani ti manga manugpadakit inda pag barita.

Huwan 15:27

Bag-u kamu tumultul diman tungkul sa kangku sa manga tawu, dahil kamu manga kaibahan niku ginan waya sa kabag-u kang nanudlu.

Huwan 3:27

Sinabi ni Huwan sa kanda magkun, “Dayu mangyari ti katida sa tawu, purya lang nu Diyus ti may buwat sa kanya.

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 13:31

Bag-u sa sulud dugay pag udas pirmi napakakit siya sa manga nagkuyug sa kanya kaybi sa kay nag-ati sa Hirusalim ginan sa Galiliya. Taynguna tunda yi ngani pag manga tawu ti manugbarita tungkul sa kan Hisus sa manga Israilita.

Binwat 2:32

“Imaw yi ngani pag Hisus ti binuhi uman Diyus. Nakitan gid nimi tanan kay yi nabuhi uman.

Binwat 3:15

Kanyu minatay si Hisus ti gimpuunan buhi. Dapat binuhi maan siya Diyus ginan sa kamatayan. Nakitan gid nimi tunda.

1 Kurintu 12:28

Ti iglisya hinusay diman Diyus. Un-an sa tanan ti manga apustul bag-u ti manga purupita bag-u ti manga manugtudlu bag-u ti manga magbuwat manga makadululaw bag-u ti manga pinakan-an kapangyarihan magpaayad sa sakit, ti may kapangyarihan mag-awat sa iba, ti manga pinakan-an kadunungan sa magpangulu, ag ti manga magbagaw sa tuhay-tuhay pag pamagaw balaw inadalan.

2 Kurintu 13:1

Inda aban kang pakatlu pag sabang asan tag sa kanyu. Isinurat sa Banal Kasuratan magkun, “Una si unu ti may isumbung kailangan pag may magpatutuu duwa una tulu ka kastigus.”

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Diyuturunumiyu 17:6

Mahimu matyun ti tawu nu napatutuuhanan nagkasala siya sa panab-anan pagsabi duwa ngatay tulu ka kastigus, dapat nu usa lang ka kastigus balaw siya mahimu matyun.

Diyuturunumiyu 19:15

“Danga niyu pagsintinsiyahi ti usa ka tawu kuntay nagsalan dahil lang sa pagsabihun usa ka kastigus. Kailangan may duwa ngatay tulu ka kastigus ti magpatutuu kuntay nagkasala ti usa ka tawu.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 11:2

Dapat danga dap nimu pagsukata kay manga parasyaran sa luwas Balay Diyus, dahil ipinahintulut tunda sa manga tawu unman magpasakup sa Diyus. Sulud upatpulu may duwa ka bulan kanda aban tatatataan lulud ti banal pag banwa.

Ipinakakit 11:6

May karampatan sida pumigil sa langit hampay udyi umuran sa kaudasan nida magpurupita. May karampatan diman sida baliwun dugu ti danum ag hampay magpadara una hintay pag kahigpitan tag sa babaw daga una lang kapira kanda gustu.

Ipinakakit 12:6

Dapat ti babayi linmayas atag sa pangawakawaan sa usa ka rugar inalistu Diyus para sa kanya hampay maalagaan siya ati sa sulud usa ka libu may duwa ka gatus may unumpulu ka sirang.

Ipinakakit 13:5

Pinahintulutan ti hayup malangas hampay magbagaw masyadu pag lapastangan laban sa Diyus ag pinakan-an siya karampatan hampay makabuwat kay buruwatun sa sulud upatpulu may duwa ka bulan.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.