Ipinakakit 11:2 - Hanunuu

² Dapat danga dap nimu pagsukata kay manga parasyaran sa luwas Balay Diyus, dahil ipinahintulut tunda sa manga tawu unman magpasakup sa Diyus. Sulud upatpulu may duwa ka bulan kanda aban tatatataan lulud ti banal pag banwa.

Ipinakakit 11:2 Iomraidhean Croise

Kanta 79:1

Diyus, ginira manga taga iba nasyun ti magkaapu nimu pag daga. Inuringan nida kanmu banal pag Balay Diyus ag winayak ti Hirusalim.

Isayas 48:2

Pagsabihun waya niyu kamu manga nasakupan banal pag banwa, ag magpaniwala kamu sa Diyus Israil, kay ngaran Panginuun Makamaskihan.”

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Isikil 4:6

Pagkatapus, pagpalisud kawu sa sikun ag pas-ana diman nimu ti kasalanan nasakupan Huda sa sulud upatpulu ka sirang; ti usa ka sirang katumbas diman maan usa ka timpu.

Isikil 42:20

Nakan ti Balay Diyus kudradu kay sukat, ag nasangputan alad batu imaw ti tab-anan sa banal pag rugar ag sa pangkaraniwan rugar.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Danyil 7:19

“Nakan pinaingana waya gid niku siya nu hintay kay kahulugan tunda pag ikap-at pag hayup tuhay gid sa tulu ka hayup. Madala gid tunda bantayun; kay manga ngipun baul ag kay manga kuku galang. Pagtukbun ag paggus-abun niya kay magkablay, ag nu may sawad waya, pagtatatataan niya.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 8:10

Nagmakapangyarihan waya siya tugka sa langit, ag pinanragdag niya ti manga taga langit pag sundalu hanggan ti manga pamgasan, bag-u kay tinatatataan lang.

Danyil 8:13

Nasaydan niku ti duwa ka anghil magharampangan. Nagpaingana ti usa ka anghil sa usa, “Kabitay nguna kadugay matapus inda pag pangakakitun tungkul sa pag-ampara sa sirang-sirang pag handug hanggan ti pag-uring sa Balay Diyus imaw ti kadahilanan agud mapabay-anan inda, ag ti pagtatatata sa Balay Diyus hanggan sa manga taga langit pag sundalu?”

Danyil 8:14

Nagsagut sa kanya ti usa ka anghil, “Mangyari inda sa sulud 2,300 ka surip ag maghugut marukirum. Ag rargu rayawan ti Balay Diyus.”

Bilang 14:34

Ti 40 ka sirang pagpirmaminti manga manugtiid sa ati pag daga tumbasan niku 40 ka timpu kakurian dahil sa kanyu kasalanan, hampay maalaman niyu nu kabitay aku magkagalit sa manga maglaban sa kangku.

Matiyu 27:53

Napalwas sida ginan sa kalubngan. Pagka nabuhi uman si Hisus sinmulud sida sa sakup sa Diyus pag banwa. Mayamu tawu ati ti nakakit sa kanda.

Matiyu 4:5

Bag-u tinaban siya diyablu tag sa Hirusalim sa banal pag banwa, ati sa pinakaabwat pag bahagi Balay Diyus.

Matiyu 5:13

“Kamu manga suruguun niku, ti ga asin sa kalibutan. Dapat ti asin nu tumab-ang, udyi may paraan hampay bumalik maan kay pagkamaasin. Udyi gid may kabuluhan tunda nu unman iyamut yi lang ag tat-an manga tawu.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

Ipinakakit 11:11

Pagka nakalawuy yi ti tulu ka sirang may tunga, binuhi maan sida Diyus, tinmindug. Balaw basta pag kulba ti manga nakakit.

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”

Ipinakakit 12:6

Dapat ti babayi linmayas atag sa pangawakawaan sa usa ka rugar inalistu Diyus para sa kanya hampay maalagaan siya ati sa sulud usa ka libu may duwa ka gatus may unumpulu ka sirang.

Ipinakakit 21:10

Nasakup aku Ispiritu Banal bag-u dinara aku anghil tag sa pinakaabwat ag daka pag bantud. Ipinakakit niya sa kangku ti Banal pag Banwa Hirusalim magpakababa ginan sa langit, ginan sa Diyus.

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.

Ipinakakit 22:19

Nu may tawu magbawas sa manga bagaw ipinurupita nisurat sitay pag ribru, bul-an diman siya Diyus karampatan sa manga nisurat sitay pag ribru. Dayu siya makakaun burak kayu kabuhian, dayu waydi siya makasulud sa Banal pag Banwa.