Ipinakakit 10:4 - Hanunuu

⁴ Pagka nagbagaw ti pitu ka linti sumurat yi mana aku, dapat may nasaydan aku usa ka magbagaw ginan sa langit magkun, “Danga nimu alamana ti sinabi pitu ka linti, danga nimu isurat tunda.”

Ipinakakit 10:4 Iomraidhean Croise

Isayas 29:11

Para sa kanyu, ti tanan itinultul sa kanyu ga ribru nakasiradu. Nu pag-ipabasa sa tawu madunung magbasa, sabihun niya, “Unman niku tunda mabasa dahil nakasiradu.”

Isayas 8:1

Magkun ti Panginuun sa kangku, “Pagbuul kawu usa ka malapad pag sururatan, ag isurat nimu inda pag manga bagaw: ‘Mahir Salal Has Bas.’ ”

Isayas 8:16

Kamu kang manga manugsunud, alagaan niyu ti manga adal niku.

Danyil 12:4

Dapat Danyil, siraduha lang dap inda pag ribru ag danga dapu pagsabihan sa manga tawu inda pag barita tugka sa ud rumas-ug ti katapusan. Habang unman waya inda pag-itultul, mayamu ti manipag sa pag-intindi sa manga magpangyari.”

Danyil 12:9

Nagsagut siya, “Danyil, paglakaw yi kawu, dahil kay sagut sa kanmu paingana lihim lang ag balaw kailangan itultul tugka sa ud rumas-ug ti katapusan.

Danyil 8:26

“Danyil, tutuu gid kanmu nakitan pag pangakakitun tungkul sa pag-ampara sa pansurip ag sa maghugut marukirum pag handug. Dapat danga lang dapu pagsabihan inda dahil dugay waya waydi mangyari.”

Diyuturunumiyu 29:29

“May manga lihim pag manga bagay ti Panginuun lang ti may alam, dapat ipinaburayhaw niya sa kanta kay kasuguan, ag kailangan nita inda sundun hanggan nita lahi hanggan waya aban.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:19

Nakan ngani isurat nimu ti kanmu makitan, ti mangyari taynguna ag ti manga pihu mangyari waya aban.

Ipinakakit 10:8

Bag-u naghampang maan sa kangku ti nagbagaw kis-ab sa kangku ginan sa langit, magkun siya, “Pagpakarani kawu duy sa anghil matat-an sa babaw danum dagat, kay baliw lulud sa daga, bag-u bul-a nimu kay bitbit ribru mabukladan.”

Ipinakakit 22:10

Sinabi waya niya sa kangku, “Danga nimu pagsiraduha ti manga ipinurupita nisurat sa inda pag ribru, dahil arani yi ti taning pag kaudasan.