Ipinakakit 10:3 - Hanunuu

³ Nanawag siya daka, kay tawag ga ungal liyun kay kadaka. Pagka siya nanawag daka nagbagaw ti pitu ka kurarug linti.

Ipinakakit 10:3 Iomraidhean Croise

Kanta 29:3

Magkurarug ti busis Panginuun, ti makamaskihan pag Diyus, mag-adnugan di inda sa kalalawdan dagat.

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Isayas 31:4

Inda ti pagsabihun sa kangku Panginuun, “Unman may makaampara sa liyun maggus-ab sa kay tinkub una mamaragritan waya ti manga manug-alaga hayup. Parihu diman sa kangku, unman may makaampara sa kangku hampay maalagaan ti Bantud Siun.

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Isayas 5:29

Sa kanda maggira manringgit sida ga liyun mag-ngurub. Kanda mablay daran-un nida atag sa arayu pag rugar ag unman may makaribri inda sa kanda.

Hirimyas 25:30

“Hirimyas, sabihun nimu sa kanda ti tanan pagsabihun niku, ag sabihun waya nimu, ‘Manringgit ti Panginuun ginan sa langit; mangurarug kay busis ginan sa banal niya pag ulian. Manringgit siya mabaskug sa manga pinili niya. Manringgit diman siya sa tanan mag-uli sa kalibutan ga tawu magringgit habang magpigis siya ubas.

Isikil 10:5

Ti tunug manga pakpak manga kirubin parihu sa busis Makamaskihan Diyus, madnugan inda tugka sa luwas sugkadan.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Ipinakakit 14:2

Nadnugan niku may mag-ingay ginan sa langit kay tunug ga danum magpaywas sa puru, ga magranranug linti. Ti kang nadnugan ga magtimpara manga manuggitara.

Ipinakakit 15:1

Nakitan niku ti usa waya ka makadululaw ag makamaskihan pag tanda sa langit. May pitu ka anghil pasay may dara kahigpitan. Tunda yi ti pangatapusan pag kahigpitan dahil siti aban pag matabu kay pangagalit Diyus.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 4:5

Ginan sa tukawan hari magluwang ti manga kilat, ti manga linti hanggan magkurarug. Sa atubangan tukawan hari may pitu ka sulu magduag. Inda imaw ti pitu ka Ispiritu Diyus.

Ipinakakit 8:5

Bag-u nagbuul ti anghil manga baga ginan sa turuuban, isinukad niya sa sukadan kamangyan bag-u kay ayinmut tag sa babaw daga. Bigla naglinti nanlilitikan, inmingay, kinmilat bag-u linminug.