Ipinakakit 10:11 - Hanunuu

¹¹ Bag-u sinabi anghil sa kangku magkun, “Kailangan kawu magpurupita maan tungkul sa mayamu pag manga tawu, manga nasyun, manga pamagaw hanggan manga hari.”

Ipinakakit 10:11 Iomraidhean Croise

Hirimyas 25:13

Iparanas niku sa kanda nasyun ti tanan pagsabihun niku laban sa kanda ag sa iba waya pag manga nasyun angay sa binagaw ni Hirimyas nakasurat sa inda pag ribru.

Isikil 37:4

Magkun maan siya sa kangku, “Sabihi inda pag mamara manga but-ul, ‘Pagpatingi kamu sa kang pagsabihun.’

Isikil 37:9

Magkun ti Panginuun sa kangku, “Anak tawu, sabihi ti durus aku, ti Panginuun Diyus, magkun: Durus, pag-uyup kawu ginan sa upat ka bahagi, sa pagpakaun arup sa inda pag manga namatay hampay mabuhi sida.”

Ipinakakit 10:10

Ginamit niku ti diit pag ribru bag-u kang kinaun. Matagsing ngani parihu yi gid sa daykut putyukan. Dapat pagka tinlun niku mapait yi ngap sa kang suruk-surukan.

Ipinakakit 11:1

Bag-u ipinakaun anghil sa kangku ti usa ka panukat pag bitlag. Sinabi niya sa kangku magkun, “Pagtindug yi kawu sukata yi nimu ti Balay Diyus hanggan ti surunugan manga pag-isagda sa Panginuun. Bilanga diman nimu ti manga magsamba ati.

Ipinakakit 11:9

Sa sulud tulu ka sirang may tunga kanda bangkay panuudan manga tawu ginan sa kada kalasi tawu, sa kada linahi, sa tanan histuda pamagaw, sa kada nasyun tawu. Unman sida pumasnu kuntay ilubung ti manga bangkay.

Ipinakakit 14:6

Nakitan maan niku ti usa ka anghil maglayang sa tungud may dara siya unman may katapusan pag Mayad pag Barita hampay ipadakit niya sa manga tawu mag-uli sa babaw daga, sa kada nasyun, sa kada linahi, sa kada pamagaw hanggan sa kada kalasi tawu.

Ipinakakit 17:10

Kay lima nadura yi, kay usa hari waya siya, kay ikapitu udwaya rinmas-ug. Nu rumas-ug siya balaw siya dumugay.

Ipinakakit 17:12

“Ti sampulu ka sungay kanmu nakitan kay kahulugan sampulu waydi ka hari udwaya nakahari dapat humari sida aban sa sulud usa ka udas kanda karampatan minsan sa hayup malangas.

Ipinakakit 17:15

Sinabi diman anghil sa kangku magkun, “Ti manga danum kanmu nakitan tinukawan babayi uragin, imaw yi ngani ti manga nasyun manga kayamuan tawu, manga tuhay-tuhay kanda pamagaw.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.