Ipinakakit 1:9 - Hanunuu

⁹ Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 1:9 Iomraidhean Croise

Matiyu 20:23

Sinabi ni Hisus sa kanda, “Ungud gid inman niyu aban kang ungut may kakurian. Dapat balaw aku ti may karampatan magpili nu si unu ti tumukaw sa kang sikun una sa kang wala. Tunda para sa manga inalistuhan niku Ama.”

Markus 10:39

Sinabi nida sa kanya, “Kaya duy nimi.” Bag-u sinabi ni Hisus sa kanda, “Inman diman ngani niyu ti ungut may kakurian kang inman. Sa kang patulbawan aban itulbaw kamu ati.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

Ruma 8:25

Dapat nu mag-asa kita sa udwaya nita mag-akitan, pihu kita manga matiniisun.

2 Kurintu 1:7

Nakan ngani marig-un kanmi sarig tungkul sa kanyu. Alam nimi magpaminsan kamu sa kanmi maariwaya pag naisipan dahil kamu minsan diman sa kanmi sa kakurian.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Pilipus 4:14

Dapat ay mayad gid kanyu binwat, pagka inawatan niyu aku sa kang kakurian.

2 Tisalunika 3:5

Kamu kang di pag-idarangin hampay giyahan di Panginuun atabug sa mas lalu waya daka pagmahal sa Diyus hanggan sa karig-unan sa kan Kiristu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

Hibriyu 10:36

Kailangan kamu pagmatiniisun, hampay matupad niyu ti kagustuhan Diyus, agud matanggap niyu kay itinaratu.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 1:2

Bag-u isinurat ni Huwan ti tanan niya nakitan tungkul sa kay sinabi Diyus hanggan tungkul sa kay ipinaalam ni Hisu-Kiristu.

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 1:6

Binwat niya kita usa ka nasyun manga hari ag manga manughandug hampay kita magsirbi sa Diyus, sa kay Ama ni Hisus. Pagsa kan Hisu-Kiristu ti kadayawan hanggan kamaskihan hanggan waya aban. Amin.

Ipinakakit 11:7

Dapat nu nakatapus sida nakapadakit yi Bagaw Diyus, lumuwang ti Hayup Malangas ginan sa kaabasad-basadan bag-u lumaban siya sa kanda kay taluhun ag matyun.

Ipinakakit 12:11

Kanta manga patar-ari nanalu laban sa diyablu, dahil sa dugu Anak Karanidu, dahil diman sa kanda magpadakit sa Bagaw Diyus. Balaw sida naghinayang sa kanda buhi una hanggan waya tugka sa kamatayan.

Ipinakakit 12:17

Mahigpit yi kay galit daragun sa babayi nakan pinamharingan niya kay nasawad linahi babayi hampay girahun. Imaw yi pag manga tawu ti magsunud sa kay sugu Diyus, manga balaw magbul-iw sa katutuuhanan ipinakilala ni Hisus.

Ipinakakit 13:10

Una hintay pag tawu ti pagturuminuhun hampay mabihag, pihu gid siya mabihag aban. Una hintay ti pagturuminuhun hampay mamatay sa baladaw, pihu gid siya matyun baladaw aban. Nakan ngani kailangan ti manga napasakup sa Diyus pagpakarig-un kay pagsarig.

Ipinakakit 14:12

Nakan ngani kailangan pagpakarig-un ti manga napasakup sa Diyus, ti manga magsunud ngani sa kay sugu Diyus ag unman mag-urung sa kanda pagsarig sa kan Hisus.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.

Ipinakakit 6:9

Binukasan maan Anak Karanidu ti ikalima pag kula bag-u nakitan niku ti surunugan manga pag-isagda sa Panginuun. Sa kay sirung surunugan nakitan niku ti manga karadwa manga tawu minatay dahil sa Bagaw Diyus ag dahil sida matinupadun sa kanda magpadakit.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.